ဆေးလိပ်သောက်သူများ အဆုတ်သန့်ရှင်းစေသောနည်း(ဆေးချိုးခွာနည်း)

ဆေးလိပ်သောက်ခြင်းမှာ ကျန်းမာရေးကို ဆိုးရွားစွာထိခိုက်စေနိုင်သည်ကို

သိကြသော်လည်း ဆေးလိပ်စွဲနေပြီး ဆေးလိပ်မဖြတ်နိုင်ကြသူများအတွက် အဆုတ်သန့်ရှင်းနည်း

(ဝါ) အဆုတ်တွင်ကပ်နေသော နီကိုတင်းဆေးချိုး၊ ဆေးချေး(ကြေး)များ ကွာကျစေသည့်နည်းကို

တင်ပြအပ်ပါသည်။ ထို့အပြင် ဆေးလိပ်စွဲမြဲစွာ သောက်သုံးခဲ့ပြီး ဆေးလိပ်ဖြတ်သူများလည်း အဆုတ်

သန့်ရှင်းအောင် ပြုလုပ်ရန် သင့်လျှော်သောနည်း ဖြစ်ပါသည်။

နည်းစနစ်မှာ အောက်ပါနည်းဖြင့် ပြုလုပ်ရပါမည်-

လူတိုင်းနီးပါးသိရှိသော လောက်သေပင်မှ လောက်သေရွက် (၅) ကျပ်သား ခူးယူပြီး ရေမတ်ခွက်

သုံးခွက်နှင့် ပြုတ်ကျိုပါ။ ရေမတ်ခွက်တစ်ခွက်စာကျန်လျှင် အအေးခံစစ်ယူပြီး ထိုပြုတ်ရည်အား

တစ်နေ့တည်း ကုန်အောင် သောက်ပေးပါ။ ထိုသို့ (၅) ရက်ဆက်တိုက်သောက်ပေးလျှင် ဆေးချိုး၊

ဆေးချေး(ကြေး) များကွာကျပြီး အဆုတ်သန့်ရှင်းသွားပါလိမ့်မည်။ ဆယ်ရက်ခန့်အထိ ဆက်တိုက်

ပြုလုပ် သောက်နိုင်ပါသည်။ ဆေးချိုး(ကြေး) များ ကွာကျသွားလျှင် အသက်ရှူ ၍ ပိုမိုကောင်းမွန်

လာပြီး သိသာစွာ လန်းဆန်း ပေါ့ပါး လာပါလိမ့်မည်။

အထက်ပါနည်းစနစ်က အဆုတ်တွင် အနာပေါက်သူ၊ တီဘီရောဂါကိုပင်

တစ်လမှ သုံးလအထိ ဆက်တိုက်မှန်မှန် သောက်ပေးခြင်းဖြင့် အဆုတ်နာရောဂါ သက်သာပျောက်

ကင်းသူ ရှိခဲ့ပါသည်။ ထို့အပြင် မည်သည့်ဘေးထွက်ဆိုးကျိုးမျှမရှိဘဲ အဆုတ်ကို စင်ကြယ်

ကောင်းမွန်စေပါသည်။

Multiple Sclerosis ရောဂါအကြောင်း

Multiple Sclerosis ဆိုတာဘာလဲ ?

Multiple Sclerosis ဆိုတာ လူသိနည်းတဲ့ရောဂါတွေထဲမှာ တစ်ခုအပါအ၀င်ဖြစ်ပါတယ် ။ UK နိုင်ငံမှာဆိုရင် လူ ဦးရေ တစ်သိန်းမှာ ၁၂၀ ယောက်ဖြစ်ပွားနှုန်းရှိပြီး နှစ်စဉ်တွေ့ရှိမှုနှုန်းကတော့လူဦးရေ တစ်သိန်းမှာ ၇ ယောက် ခန့်ရှိပါတယ် ။ အပူပိုင်းဒေသတွေနဲ့ ဥရောပမြောက်ပိုင်း တွေမှာအဖြစ်များပြီး မိန်းမတွေ မှာ ယောင်္ကျားတွေထက် ဖြစ်ပွားမှုနှုန်း ၂ ဆပိုများပါတယ် ။ Multiple Sclerosis ကိုဖြစ်ပွားစေတဲ့ အချက်တွေကတော့ genetic ဆိုင်ရာ
အ ချက်ပေါင်း များစွာနဲ့ ပတ်ဝန်းကျင် ( Environmental ) ဆိုင်ရာ အချက်ပေါင်းများစွာရှိပါတယ် ။ မျိုးရိုး လိုက်ဖြစ် ပွားမှုနှုန်းဟာ ၁၅% ရှိပါတယ် ။

Immune စနစ်အရာ CSF လို့ခေါ်တဲ့ ဦးနှောက်နှင့်ခါးရိုးအတွင်းအား ဆက်နွယ်ထားသော လမ်းကြောင်း အတွင်း မှ အရည်( Cerebro-spinal Fluid) အတွင်းမှာ လှုပ်ရှားသက်ဝင်နေတဲ့ T Lymphocytes တွေ မြင့်မား လာပါတယ် ။ဦးနှောက်အာရုံကြော စနစ်အတွင်းမှာလည်း Immunoglobulin ထုတ်လုပ် မှုဖြစ်စဉ်ဟာ မြင့်မား လာပါတယ် ။ Multiple Sclerosis မှာ ဦးနှောက်နှင့် အာရုံကြောရောင် ရမ်းခြင်း တိုက်ခိုက် မှုဟာ သွေးနှင့်ဦးနှောက်အတွင်းလုပ်ဆောင်သူ ( Blood-brain barrier) တွေမှ တဆင့် လှုပ်ရှား သက်ဝင်နေတဲ့ T Lymphocytes တွေ ထိုးဖောက်ဝင်ရောက်ခြင်းမှ စတင် ပါတယ် ။

ရောဂါလက္ခဏာတွေက ဘာတွေလဲ ?

အဖြစ်များတဲ့ လက္ခဏာတွေကတော့

-အမြင်အာရုံချို့တဲ့ခြင်း
-အာရုံခံခြင်းနှင့်ဆိုင်သော လက္ခဏာများ ခဏခဏ ပြန်လည်ဖြစ်ပွားခြင်း
-နာကျင်ခြင်းကင်းမဲ့သော Subacute spinal cord lesion
-လက်နှစ်ဖက်တွင် လတ်တလောလှုပ်မရခြင်းနှင့် စွမ်းဆောင်ရေများ ဆုံးရှုံးခြင်း (Dorsal column deficit)
-Cranial အာရုံကြော ၆ ခြောင်းမြောက် ချို့ယွင်းခြင်း

အခြားလက္ခဏာများနှင့် CNS Demyelination ၏ ရောဂါဖြစ်စဉ်များ

-အမြင်အာရုံသိမ်ငယ်ခြင်းနှင့်ချို့ယွင်းခြင်း (Afferent pupillary defect)
-ကျောရိုးဆစ် ၊ ခြေလက်များနှင့် လည်ဂုတ်ပိုင်းတွင် ထုံကျင်ခြင်း (Lhermitte's symptom)
-ကိုယ်တစ်ခြမ်းလှုပ်မရခြင်း (Paraparesis)
-ခြေလက်နှင့်ခန္ဓာကိုယ်တုန်ယင်ခြင်း (Postural tremor)
-မျက်နှာရွဲ့ခြင်း ခဏခဏဖြစ်ပေါ်ခြင်း
-Trigeminal neuralgia နှင့် Partial Brown-Sequard syndrome

အာရုံကြောချို့ယွင်းခြင်း demyelinating lesions မှာ သူ့ရဲ့လက္ခဏာ ဖြစ်စဉ်တွေဟာ လတ်တလော အနေ နဲ့ နေ့ရက် (သို့မဟုတ်) ရက်သတ္တပါတ်မျှ ဖြစ်ပွားပြီး ရက်သတ္တပါတ်အနည်းငယ်နဲ့ လအနည်းငယ်မှာပဲ ပြန်ကောင်း သွားလေ့ရှိပါတယ် ။ တခါတလေမှာတော့ လေဖြတ်ခြင်းဆန်ဆန် ဖြစ်စဉ်တွေကိုတွေ့ရလေ့ရှိပါတယ် ။

ဘယ်လိုစမ်းသပ်စစ်ဆေးခြင်းတွေနဲ့ သိနိုင်မလဲ ?

Multiple Sclerosis ကိုသိနိုင်မယ့် တိကျတဲ့ စမ်းသပ်စစ်ဆေးခြင်းဆိုတာ မရှိပါဘူး ။ ဓါတ်ခွဲစမ်း သပ်စစ်ဆေး မှုတွေက ရလာတဲ့အဖြေကို ရောဂါလက္ခဏာတွေနဲ့ ယှဉ်တွဲပြီး ဖြစ်နိုင်ခြေကို တွက်ထုတ် ရတာမျိုးဖြစ်ပါတယ် ။ အခြားဖြစ်နိုင်ခြေတွေကို ဖယ်ထုတ်ဖို့ (Exclude) နဲ့ demyelination ဖြစ်စဉ်ကို သတ်မှတ်ဖို့ စမ်းသပ် စစ်ဆေးမှုတွေကတော့

-MRI , Myelography
-Visual evoked potentials
-အခြား evoked potentials
-CSF Examination (ခါးဆီဖောက်၍ စစ်ဆေးခြင်း)
* cell count
* Protein electrophoresis ( Oligoclonal bands)
* Chest X Ray ( ရင်ဘတ်ဓါတ်မှန်ရိုက်ခြင်း)
-Serum angiotensin-converting enzyme (ACE) - sarcoidosis
(သွေးရည်ကြည်ထဲရှိ အင်ဇိုင်းစစ်ဆေးခြင်း)
-Serum B12
-Antinuclear antibodies - SLE
-Antiphospholipid antibodies စသည်တို့ပဲဖြစ်ကြပါတယ် ။

Multiple Sclerosis ကိုဘယ်လိုကုသမလဲ ?



Multiple Sclerosis ကိုကုသဖို့ဆိုရင်
၁ ။ လတ်တလောဖြစ်ပွားခြင်း ( acute relapse ) ကိုကုသခြင်း
၂ ။ နောက်ပိုင်းပြန်လည်ဖြစ်ပွားမှုအား ကာကွယ်ခြင်း
၃ ။ နောက်ဆက်တွဲပြဿနာများ ( complications) များအား ကုသခြင်း
၎ ။ လူနာ၏ ချို့ယွင်းချက်များ (Disability ) အားကုသခြင်း စသည်တို့ပါဝင်ပါတယ် ။

၁ ။ လတ်တလောဖြစ်ပွားခြင်း ( acute relapse ) ကိုကုသခြင်း

- Methyl prednisolone iv ( 1g နေ့စဉ် ၃ ရက် ) or orally ( 500mg နေ့စဉ် ၅ ရက်)
Steroids တွေအကြာကြီးပေးနေခြင်းဟာလည်း ရေရှည်ဖြစ်လာမယ့် အရာ ( outcome) ကို မပြောင်းလဲပစ်နိုင်ပါဘူး ။

၂ ။ နောက်ပိုင်းပြန်လည်ဖြစ်ပွားမှုအား ကာကွယ်ခြင်း

Azathioprine ကဲ့သို့ Immunosuppressive ဆေးတွေဟာ ပြန်လည်ဖြစ်ပွားမှုကို လျော့ကျစေပါတယ် ။ ရေ ရှည် အနေနဲ့ လည်းကောင်းပါတယ် ။ ခဏခဏပြန်လည်ဖြစ်ပွားနေတဲ့ Multiple Sclerosis မှာတော့ Subcutaneous or IM Interferon beta-1a/b ဟာ ပြန်လည်ဖြစ်ပွားတဲ့အကြိမ်အရေအတွက်ကို ၃၀% ထိလျော့ ချပေးပါတယ် ။ Glatiramer acetate မှာလည်းအလားတူအစွမ်းရှိပါတယ် ။ အထူးအာဟာရတွေဖြစ်တဲ့ Gluten-free , linoleic acid supplements , hyperbaric oxygen therapy တို့ဟာလည်း လူ နာတွေကြား မှာ ရေပန်းစားပါတယ် ။ ဒါပေမယ့် ပိုပြီးကောင်းလာစေတဲ့အချက်တော့မှရှိပါဘူး ။

၃ ။ နောက်ဆက်တွဲပြဿနာများ ( complications) များအား ကုသခြင်း

အရေးကြီးတာက ရောဂါရဲ့ ဘဘာသဖြစ်စဉ်ကို လူနာကို သေချာရှင်းပြဖို့ပါပဲ ။ ဖြစ်ပေါ် လာတဲ့ နောက် ဆက် တွဲ ဆိုး ကျိုးတွေအရ ကုသမှုပေးခြင်းဖြစ်ပါတယ် ။

ဥပမာ (၁) Spasticity ( အရိုးအဆစ်များခိုင်ခြင်း)
ကုသမှု - Physiotherapy
-Beclofen 15-100mg (oral ) , Tizanidine 18-32mg
-Local I.M Botulinum toxim , chemical neuronectomy

ဥပမာ (၂) Impotence ( လိင်စွမ်းဆောင်ရည်လျော့ကျခြင်း)
ကုသမှု - Sildenaifil 50-100mg / 24 hours

၎ ။ လူနာ၏ ချို့ယွင်းချက်များ ( disability ) အားကုသခြင်း

Disability ကိုကုသတဲ့နေရာမှာတော့ specialist သူနာပြုတွေအပါအ၀င် Multidisciplinary team လို့ခေါ်တဲ့ သက် ဆိုင်ရာဆရာဝန်တွေနဲ့ health care professional တွေနဲ့ စုစည်း ပြုစုကုသစောင့်ရှောက်ခြင်းပဲဖြစ်ပါတယ် ။

Multiple Sclerosis ဟာ neurological ရောဂါဖြစ်တဲ့အတွက် ဆေးပညာနဲ့အလှမ်းဝေးတဲ့သူတွေအဖို့ အသေး စိတ် ကျကျသိနိုင်ဖို့ ၊ Medical terms တွေကို သိရှိနိုင်ဖို့ ခက်ခဲလှပါတယ် ။ အချို့ medical terms တွေဟာ တိုက်ရိုက်ဘာသာပြန်ရင် အဓိပ္ပါယ်လွဲမှားမှာစိုးတဲ့အတွက် တတ်နိုင်သမျှဆီလျှော်အောင်တော့ ဖော်ပြပေးထား
ပါတယ် ။ Multiple Sclerosis ဆိုတာ ဒီလိုမျိုးရောဂါပါလား ၊ ဒီလို လက္ခဏာတွေ ရှိပါလား ၊ ဒီလိုကုသနေ ကြပါလား လို့ အနည်းငယ် ဗဟုသုတ ရှိသွားတယ် ဆိုရင်ဖြင့် ဖော်ပြရကျိုးနပ်ပါပြီ ။

Ref : Davidson's Principles & Practice Of Medicine , 20th Edition

သက်တန့်ချို

ညညအိပ်ပျော်စေဖို့ နည်းတချို့

ညညကောင်းကောင်း အိပ်မပျော် ဖြစ်နေပါသလား။ ညဘက် အိပ်ကောင်းခြင်းနဲ့ အိပ်ပျော်စေဖို့ အောက်ပါအတိုင်း သူ့အချိန်နဲ့သူ လုပ်ကြည့်ပါ။



မနက် ၇ နာရီအချိန်မှန်ထပါ

အချိန်မှန်ထဖို့ အရင်ဆုံး အချိန်တစ်ခုသတ်မှတ်ပြီး နှိုးစက်သုံးကာ တစ်ပတ်လောက်ထပါ။ နောက်ပိုင်းမှာ အကျင့်ဖြစ်သွားတာကြောင့် နှိုးစက်မလိုဘဲ အလိုလိုနိုးထလာပါလိမ့်မယ်။ ဒီလိုပဲ အိပ်ချိန်ကိုလည်း ပုံမှန်လုပ်ပါ။ အချိန်မှန်အိပ်၊ အချိန်မှန်ထခြင်းဖြင့် ညဘက်မှာ ကောင်းကောင်း အိပ်ပျော်လာမှာပါ။



မနက် ၉ နာရီကယ်လ်စီယမ် သုံးဆောင်ပါ

မနက်စာစားတဲ့အခါ ကယ်လ်စီယမ်ဓာတ်ပါရှိတဲ့ အစာစားဖို့ မမေ့ပါနဲ့။ ဒီသတ္တုဓာတ်ဟာ အိပ်ကောင်းခြင်း အိပ်စေနိုင်တဲ့ ဆီရိုတိုနင်နဲ့ မယ်လတိုနင်ဟော်မုန်းတွေကို ခန္ဓာကိုယ်ကနေ ပမာဏများပြားစွာ ထွက်ရှိလာစေနိုင်ခြင်းကြောင့်ပါ။ ကယ်လ်စီယမ်ပါတဲ့ ကွေကာအုတ်သောက်ပါ။ တစ်နေ့ကို ကယ်လ်စီယမ် ၁၂၀၀ မီလီဂရမ် သုံးဆောင် သင့်တာကြောင့် လိုအပ်ပါက ကယ်လ်စီယမ် အားဆေးသောက်ပါ။



မနက် ၁၀ နာရီနေရောင်ခံပါ

နေရောင်ခြည်ခံယူခြင်းဖြင့် ခန္ဓာကိုယ် ဇီဝနာရီဖြစ်ပျက်မှု မှန်ကန်ပြီး နေ့လယ်နေ့ခင်း ငိုက်မျဉ်းခြင်းနဲ့ ညဘက်မျက်စိကြောင်ခြင်း မဖြစ်တော့မှာပါ။ အိပ်ကောင်းခြင်း အိပ်ပျော်စေဖို့ နေ့ပိုင်းမှာ နေအလင်းရောင်များစွာလိုပြီး ညပိုင်းမှာ လုံးဝမှောင်ချထားဖို့ လိုပါတယ်။ ဒါကြောင့် နေ့လယ်နေ့ခင်း အိမ်ထဲ၊ အခန်းထဲမှာပဲ အောင်းနေမယ့်အစား အလင်းရောင် ခံယူလိုက်ပါ။



နေ့လယ် ၁ နာရီလေ့ကျင့်ခန်းလုပ်ပါ

အိပ်မပျော်ရခြင်းရဲ့ အကြောင်းရင်းများစွာထဲမှာ စိုးရိမ်ပူပန်ခြင်းနဲ့ စိတ်ဓာတ်ကျခြင်းက အဖြစ်အများဆုံး အကြောင်းအရာတွေပါ။ အဲဒါတွေ ပျောက်ကင်းဖို့ လေ့ကျင့်ခန်းလုပ်ဖို့ လိုပါတယ်။ ပုံမှန်လမ်းလျှောက်ခြင်း၊ ပြေးခြင်းက စိတ်ဓာတ်ကျ ကာကွယ်တဲ့ဆေးတွေလိုပဲ အစွမ်းထက်လှပါတယ်။ ပြင်ပမှာ လေ့ကျင့်ခန်းလုပ်ခြင်းက Gym ထဲမှာလုပ်ခြင်း ထက်စာရင် ပိုပြီးအကျိုးရှိပါတယ်။



ညနေ ၃ နာရီကဖင်းဓာတ်လျှော့ပါ

ညနေပိုင်းမှာ ကော်ဖီ၊ လက်ဖက်ရည် မသောက်ပါနဲ့တော့။ ခန္ဓာကိုယ်ကနေ ကဖင်းဓာတ်ကို ဖယ်ရှားစွန့်ထုတ်ဖို့ အချိန်အနည်းဆုံး ခြောက်နာရီလိုပါတယ်။ ညနေပိုင်းမှာ ကော်ဖီခါးခါးတစ်ခွက် သောက်လိုက်ပါက ညကိုးနာရီအထိ ခန္ဓာကိုယ်ထဲ ကဖင်းဓာတ်ရှိနေဦးမှာပါ။ အဲဒီကဖင်းဓာတ်က မျက်စိကြောင်စေနိုင်ပါတယ်။



ည ၆ နာရီအယ်လ်ကိုဟော လျှော့ပါ

အိပ်ရာဝင်ခါနီး အရက်၊ ဝိုင်၊ ဘီယာစတဲ့ အယ်လ်ကိုဟောပါ အရည်သောက်ပေးခြင်းက အိပ်စက်ခြင်းကို အနှောင့်အယှက်ပေးပါတယ်။ အိပ်နေစဉ် သွေးတွင်းရှိ အယ်လ်ကိုဟော အဆိပ်ဓာတ်တွေကို ခန္ဓာကိုယ်က ဖယ်ရှားပေးရတာကြောင့် ခြေလက်လှုပ်ခြင်း၊ ကိုယ်အပူချိန်တက်ခြင်းဖြစ်ကာ အိပ်ကောင်းခြင်းနဲ့ မအိပ်ရတော့ပါဘူး။ ဒီလိုမဖြစ်ရအောင် မအိပ်ခင် အနည်းဆုံး သုံးနာရီအကွာမှာ မသောက်ပါနဲ့။ ညပိုင်းတွေမှာ ဝိုင်တစ်ခွက်၊ နှစ်ခွက်ထက် ပိုမသောက်ပါနဲ့။ အကယ်၍ ညစာစားပွဲတွေမှာ သောက်မိပါက ရေများများသောက်ပေးလိုက်ပါ။



ည ၉ နာရီမီးရောင်လျှော့ပါ

ကွန်ပျူတာ၊ တီဗီနဲ့ ဒစ်ဂျစ်တယ်နာရီတွေက ထွက်ရှိတဲ့ အလင်းတန်းတွေက ငိုက်မျဉ်းခြင်း ဖြစ်ပေါ်စေတဲ့ မယ်လတိုနင်ဟော်မုန်း သဘာဝအတိုင်း ထွက်ရှိမှုကို အနှောင့်အယှက် ဖြစ်စေပါတယ်။ ဒီဟော်မုန်းက ငိုက်မျဉ်းခြင်းကိုသာမက အိပ်မက် ပုံမှန်မက်စေဖို့လည်း ပြုလုပ်ပေးပါတယ်။ အိပ်မက်မက်ခြင်းက စိတ်ဖိစီးမှုနဲ့ စိတ်ဓာတ်ကျမှုကို သက်သာစေ ပါတယ်။ ဒါကြောင့် အိပ်ရာဝင်ခါနီး တီဗီကြည့်ခြင်း၊ ကွန်ပျူတာကြည့်ခြင်း မလုပ်ပါနဲ့။



ည ၁၀ နာရီအိပ်ဆေးမသောက်ပါနဲ့

အိပ်မပျော်လို့ အိပ်ဆေးသောက်တာမျိုး မလုပ်ပါနဲ့။ အိပ်ဆေးပုံမှန်သောက်နေပါက နောက်ပိုင်း ဆေးမတိုးဘဲ ဖြစ်သွားပါလိမ့်မယ်။ ဒါ့အပြင် နေ့လယ်ဘက်မှာ ပင်ပန်းနွမ်းလျခြင်း၊ အတွေးအခေါ် အားနည်းခြင်းတို့ ဖြစ်လာတတ်ပါတယ်။ သဘာဝအတိုင်း အိပ်ပျော်အောင်သာ ကြိုးစားပါ။



ည ၁၀ နာရီခွဲစိတ်ဖြေလျှော့ကာ အသက်ရှူပါ

အပေါ်သွား နောက်ဘက်နားမှာ အာခေါင်းကို လျှာနဲ့ထောက်ပြီး အသက်ဝဝရှူသွင်းပါ။ တစ်ကနေ ခုနစ်အထိ စိတ်ထဲကရေပြီး အသက်အောင့်ထားပါ။ ပြီးတော့ တစ်ကနေ ရှစ်ထိရေကာ အသက်ရှူထုတ်ပါ။ အစအဆုံး သုံးကြိမ်လုပ်ပါ။ သဘာဝအတိုင်း အိပ်ပျော်သွားပါလိမ့်မယ်။

အတာသင်္ကြန်ကာလမှာ တရားထိုင်မည်ဆိုလျှင်

တရားထိုင်ခြင်း ဆိုသည်မှာ

တရားထိုင်တယ်ဆိုတာ လွယ်လွယ် ပြောရရင်တော့ အတိုင်းအဆမရှိ၊ လွင့်မျောရှုပ်ထွေးလှတဲ့ အတွေးတွေ၊ ခံစားချက်တွေ၊ စိတ်ကူးတွေကို ထိန်းချုပ်ပြီး ကိုယ့်ခန္ဓာကိုယ်ကို ရှုမြင်သုံးသပ် ဆင်ခြင်တဲ့သဘော ဖြစ်ပါတယ်။





တရားထိုင်ရာတွင် အခြေခံလိုအပ်ချက်

၁။ တိတ်ဆိတ်သော နေရာ

တရားထိုင်မယ်ဆိုရင် အနှောင့်အယှက်နဲ့ အသံတွေ နည်းနိုင်သမျှနည်းပြီး တိတ်ဆိတ် ငြိမ်သက်တဲ့ နေရာထိုင်ခင်းရှိရပါမယ်။

၂။ သက်သောင့်သက်သာရှိသော ကိုယ်ဟန်အနေအထား

ထိုင်ရင်း၊ လဲလျောင်းရင်း၊ ရပ်ရင်း၊ လမ်းလျှောက်ရင်းနဲ့ တခြားလှုပ်ရှားမှုပြုလုပ်တိုင်းမှာ တရားမှတ်လို့ ရပါတယ်။ အချိန်ကြာကြာ တရားရှုမှတ်နိုင်ဖို့ဆိုရင်တော့ ခန္ဓာကိုယ် အနေအထားဟာ သက်သောင့်သက်သာရှိဖို့ လိုအပ်ပါတယ်။

၃။ အာရုံစိုက် ရှုမှတ်ရာနေရာ

တစ်စုံတစ်ခုကို အာရုံစိုက်ရှုမှတ်နိုင်ဖို့ဆိုတာ တရားထိုင်ခြင်းရဲ့ အစိတ်အပိုင်းတစ်ရပ်ပါ။ ဥပမာ ရှင်းပြရရင် တရားထိုင်တဲ့သူဟာ နှာသီးဝမှာ တိုးဝင်၊ တိုးထွက် နေတဲ့ ဝင်လေ၊ ထွက်လေကို အာရုံစိုက်ရပါမယ်။

၎။ စိတ်ရှည်ကာ အကောင်းမြင်မှု

တရားထိုင်တဲ့ အချိန်မှာ ပတ်ဝန်းကျင် အနှောင့်အယှက်သာမက ကိုယ့်အတွေးနဲ့ကိုယ် နှောင့်ယှက်တာလည်း ခံရတတ်ပါတယ်။ အဲဒီအချိန်မှာ စိတ်ရှည်ရှည် ထားပြီး ဖြစ်ခြင်း၊ ပျက်ခြင်း သဘောကို ရှုမှတ်နိုင်ဖို့ လိုအပ်ပါတယ်။ တရားရိပ်သာတွေမှာတော့ တရားထိုင်သူတွေအတွက် သက်သောင့်သက်သာ တရားဓမ္မကျင့်ကြံနိုင်အောင် စီစဉ်ထားရှိတတ်ပါတယ်။ ဒါကြောင့် ဒီအခြေခံ လိုအပ်ချက်တွေ အတွက် ပူစရာ သိပ်မလိုပါဘူး။

တရားထိုင်ခြင်းကြောင့် ခန္ဓာကိုယ်တွင်း အလုပ်လုပ်ပုံ

တရားထိုင်တဲ့အခါ ခန္ဓာကိုယ်ထဲမှာ အပြောင်းအလဲတွေ ဖြစ်သွားပါတယ်။ တရားထိုင်ချိန် အတောအတွင်း လူ့ခန္ဓာကိုယ်ထဲက အပြောင်းအလဲတွေ အကြောင်းကို လေ့လာသူတွေက တရားထိုင်ခြင်းဟာ ကျန်းမာရေးပြဿနာတချို့ကို သက်သာလျော့ပါးစေကြောင်း ဆိုပါတယ်။ အကြောင်းကတော့ တရားထိုင်တာဟာ အလိုအလျောက် အလုပ်လုပ်တဲ့ အာရုံကြော အဖွဲ့အစည်း (Autonomic Nervous System) အပေါ် သက်ရောက်မှု ရှိစေတာကြောင့်ပါတဲ့။

ဒီအဖွဲ့အစည်းဟာ ခန္ဓာကိုယ်ထဲက အင်္ဂါအစိတ်အပိုင်းတွေနဲ့ ကြွက်သားတွေကို ထိန်းညှိပေးပြီး နှလုံးခုန်ခြင်း၊ ချွေးထွက်ခြင်း၊ အသက်ရှုခြင်းနဲ့ အစာချေဖျက်ခြင်းဆိုင်ရာ လုပ်ငန်းတွေကိုပါ ထိန်းချုပ်ပေးပါတယ်။ ဒီအဖွဲ့အစည်းမှာ Sympathetic Nervous Systemနဲ့ Parasympathtic Nervous System ဆိုပြီး အဓိက အစိတ်အပိုင်းနှစ်ရပ် ရှိပါတယ်။ Sympathetic Nervous System ဟာ ခန္ဓာကိုယ်ရဲ့ လှုပ်ရှားမှုတွေမှာ ပါဝင်ကူညီပါတယ်။ ဥပမာ လူတစ်ယောက်က စိတ်ဖိစီးမှု ခံစားနေရတယ်ဆိုပါတော့။

ဒီစနစ်ဟာ “Fight or Flight Response” ဖြစ်စေပြီး နှလုံးခုန်နှုန်းနဲ့ အသက်ရှုနှုန်းတွေ မြန်စေတာမျိုး၊ သွေးကြောတွေ ကျဉ်းစေတာမျိုး ဖြစ်စေပါတယ်။ ဒါဟာ ကျန်းမာရေး အတွက် ဆိုးကျိုးတွေပါပဲ။ ဒီဆိုးကျိုးတွေ မဖြစ်အောင် တရားထိုင်ခြင်းက ကာကွယ် ပေးနိုင်ပါတယ်။ Parasympathtic Nervous System ကတော့ နှလုံးခုန်နှုန်းနှေးအောင်၊ သွေးကြောကျယ်စေကာ သွေးစီးဆင်းမှုကောင်းအောင်နဲ့ အစာချေဖျက်နိုင်အောင် ဆောင်ရွက်ပေးပါတယ်။ တရားထိုင်တဲ့အခါ ဒီစနစ်ရဲ့ လုပ်ဆောင်မှုကို အားကောင်း စေပါတယ်။

နောက်ထပ် လေ့လာမှု တစ်ရပ်အရ တရားထိုင်တာဟာ ဦးနှောက်ရဲ့ လုပ်ငန်း ဆောင်တာတွေကို သိသိသာသာ ပြောင်းလဲစေနိုင်ကြောင်း ဆိုပါတယ်။ တရားထိုင်တဲ့အတွက် အာရုံစူးစိုက်အား ပိုကောင်းလာခြင်း၊ နိစ္စဓူဝ လုပ်ငန်း ဆောင်တာတွေမှာ စွမ်းဆောင်ရည် ပိုကောင်းလာခြင်း၊ စိတ်တည်ငြိမ်ခြင်းနဲ့ ဥာဏ်ရည် ဥာဏ်သွေး ပိုမိုထက်မြက်လာခြင်း စတဲ့ အကျိုးကျေးဇူးတွေ ရရှိနိုင်ပါတယ်။

တရားထိုင်ခြင်းကြောင့် သက်သာစေသော ရောဂါဝေဒနာများ

ကျန်းမာရေးကောင်းသူတွေ တရားထိုင်ရင် ခန္ဓာကိုယ်အနားရစေကာ စိတ်ဖိစီးမှု လျော့ပါးစေပြီး တော်ရုံရောဂါ ဝေဒနာတွေကို မဖြစ်အောင် ကာကွယ် ပေးနိုင်ပါတယ်။ ကျန်းမာရေး မကောင်းသူတွေ တရားထိုင်ရင်ကော သင့်တော်ပါ့မလား။ ကျန်းမာရေး မကောင်းသူတွေ တရားထိုင်ရင် ရရှိနိုင်တဲ့ အကျိုးကျေးဇူးတွေကိုတော့ လေ့လာမှုများစွာက အောက်ပါအတိုင်း လေ့လာကောက်ချက်ချထားပါတယ်။

တရားထိုင်ခြင်းကြောင့် သက်သာလျော့ပါးနိုင်တဲ့ ရောဂါတွေကတော့ ဓာတ်မတည့်မှုဖြစ်ခြင်း၊ စိတ်ပူပန်သောကရောက်ခြင်း၊ ရင်ကျပ်ပန်းနာ၊ ကင်ဆာရောဂါ၊ စိတ်ကျရောဂါ၊ ညောင်းညာနွမ်းနယ်ခြင်း၊ နှလုံးရောဂါ၊ သွေးတိုးရောဂါ၊ နာကျင်မှုဆိုင်ရာ ပြဿနာများ၊ အိပ်မပျော်ခြင်း၊ အရက်နှင့် မူးယစ်ဆေးဝါးစွဲလမ်းမှု ပြဿနာ စတာတွေပဲ ဖြစ်ပါတယ်။ ကျန်းမာရေး မကောင်းတဲ့သူတွေ တရားထိုင်မယ်ဆိုရင်တော့ စ,စချင်းမှာ ပြင်းပြင်းထန်ထန် တရားမထိုင်သင့်ပါဘူး။

တရားထိုင်တာကို ဆေးကုသမှု တစ်ရပ်လို အသုံးပြုတာထက် ဆေးကုသမှုနဲ့ တွဲပြီး ဖြည်းဖြည်းနဲ့ မှန်မှန် ဆောင်ရွက်သွားသင့်ပါတယ်။ တရားထိုင်ခြင်းကြောင့် ကျန်းမာရေး မထိခိုက်စေရန် တရားထိုင်တာက အများအားဖြင့်တော့ ဘေးအန္တရာယ်ကင်းပါတယ်။ တရားရိပ်သာတွေဟာလည်း ယောဂီတွေရဲ့ ကျန်းမာရေးအတွက်ပါ ထည့်တွက်ပြီး ဣရိယာပုတ် ညီမျှအောင် စီစဉ်ပေးထားတာပါ။ တရားရိပ်သာရဲ့ အချိန်ဇယား အတိုင်း တရားထိုင်ချိန်၊ တရားနာချိန်၊ လမ်းလျှောက်ရင်း တရားမှတ်ချိန်၊ ဆွမ်းစားချိန်၊ ရေချိုးချိန်. . .စတာတွေအတိုင်း လိုက်နာဆောင်ရွက်ပေးရုံနဲ့ ဒေါင်ဒေါင်မြည်နေမှာပါ။

ဒီနေရာမှာ တစ်ခုသော သင်္ကြန်တွင်း တရားစခန်းမှာ ကြုံတွေ့ခဲ့ရတဲ့ စာရေးသူရဲ့ အတွေ့အကြုံကို ပြောပြချင်ပါတယ်။ စာရေးသူဟာ တရားစခန်းက ရေချိုးချိန်ပေးတဲ့ အခိုက်မှာ ရေမချိုးဖြစ်ဘဲ မွန်းတည့် ၁၂ နာရီကျော်ပြီး နေပူရှိန်ပြင်းထန်တဲ့ အချိန်မှာ ရေချိုးမိလို့ အဖျားကြီးပြီး တရားစခန်းပွဲ မပြီးဆုံးခင်မှာပဲ အိမ်ပြန်အနားယူခဲ့ရပါတယ်။ ဒါကြောင့် စာရေးသူလို အဖြစ်မျိုး မကြုံရလေအောင် တရားရိပ်သာရဲ့ အချိန်ဇယား၊ စည်းမျဉ်း စည်းကမ်းအတိုင်း ပြည့်ပြည့်ဝဝ တရားအားထုတ် နိုင်ကြစေဖို့နဲ့ တရားထိုင်ခြင်းကြောင့် ခန္ဓာကိုယ်ရဲ့ မမြဲတဲ့ အနိစ္စ သဘောတရားကို သာမက ကျန်းမာရေး ကောင်းမွန်ခြင်းဆိုတဲ့ လာဘ်ကြီးတစ်ပါးကိုပါ ရရှိနိုင်ကြစေဖို့ တိုက်တွန်းရေးသားလိုက်ရပါတယ်။

Ref : Good Health

သင် မထင်မှတ်ထားသော သင့်ကို အန္တရာယ်ပေးနေသည့် အရာများ

(၁) ဆိုဒီယမ် လော်ရိုင်းဆာလဖိတ် (Sodium Lauryl Sulfate)

ဘာဖြစ်စေသလဲ - ပါးစပ်အနာ

SLS ဟာ သွားတိုက်ဆေးအများစုမှာ သန့်ရှင်းရေးပစ္စည်းအနေနဲ့ ပါဝင်နေပါတယ်။ ဒါပေမယ့် ခံတွင်းထဲက ဘက်တီးရီးယား အလွှာကို ပြောင်းလဲသွားစေပြီး တစ်သျှူး တွေကို မသက်မသာဖြစ်စေကာ ပါးစပ်အနာ ကို ဖြစ်စေနိုင်ပါတယ်။

ပါးစပ်အနာမဖြစ်အောင် - SLS မပါတဲ့ သွားတိုက်ဆေးကို ပြောင်းသုံးပါ။ ဒါ့အပြင် ခံတွင်းမသက်မသာဖြစ်စေနိုင်တဲ့ နာနတ်သီးလိုမျိုး အက်စစ်ကဲတဲ့အသီးတွေကို လျှော့စားပေးပါ။

(၂) သကြားမပါသော ပီကေ

ဘာဖြစ်စေသလဲ - ဝမ်းပျက်ဝမ်းလျှောခြင်း

သကြားမပါတဲ့ပီကေဟာ Sorbitol နဲ့ Mannitol တို့နဲ့ ချိုအောင် လုပ်ထားတဲ့အတွက် ဒီပါဝင်ပစ္စည်းနှစ်မျိုးစလုံးကို ခန္ဓာကိုယ်ကနေ အလွယ်တကူ မစုပ်ယူနိုင်ပါဘူး။ ဒီနှစ်မျိုးစလုံးပါတဲ့ ပီကေကို အလွန်အကျွံစားတာက ရေကို အူထဲများများ ဆွဲယူနိုင် တာကြောင့် ဝမ်းပျော့ပျော့ သွားစေနိုင်ပါတယ်။

ဝမ်းမလျှောအောင် - သကြားမပါတဲ့ ပီကေစားတာက သကြားပါတဲ့ ပီကေစားတာထက် ခံတွင်းကျန်းမာရေးအတွက်တော့ ပိုကောင်းပါတယ်။ ဒါပေမယ့် အလွန်အကျွံစားရင် ဝမ်းပျက်ဝမ်းလျှော ဖြစ်စေတာကြောင့် လျှော့စားသင့်ပါတယ်။

(၃) ကော်ဖီအလွန်အကျွံသောက်ခြင်း

ဘာဖြစ်စေသလဲ - ဗိုက်အောင့်ခြင်း

ကဖင်းဓာတ်ဟာ အက်စစ်အထွက်များစေပြီး အစာအိမ်ကို မအီမသာဖြစ်စေကာ ဗိုက်အောင့်စေနိုင်ပါတယ်။

ဗိုက်မအောင့်အောင် - ကဖင်းဓာတ်မပါတဲ့ ကော်ဖီကို ပြောင်းသောက်ပါ။

(၄) ဒိန်ခဲနှင့် ဟော့ဒေါ့မုန့်

ဘာဖြစ်စေသလဲ - ခေါင်းကိုက်ခြင်း

ဒိန်ခဲမှာ တိုင်ယာမင်း (Tyramine) ဆိုတဲ့အမိုင်နိုအက်စစ်ပါဝင်နေပါ
တယ်။ ဟော့ဒေါ့မှာတော့ နိုက်ထရိုက် (Nitrites) ပါဝင်နေပါတယ်။ ဒီအစာနှစ်မျိုးစလုံးဟာ သွေးစီးဆင်းမှုကို ကမောက်ကမဖြစ်စေကာ ခေါင်းကိုက်စေပါတယ်။

ခေါင်းမကိုက်အောင် - တိုင်ယာမင်းပေါများစွာပါဝင်ပြီး ကျပ်တင်ထားတဲ့ အသား၊ အချဉ်ဖောက်ထားတဲ့ သနပ်၊ အမှည့်လွန်နေတဲ့ သစ်သီး၊ ဝိုင်နဲ့ ဘီယာတွေကို ရှောင်ပါ။ ဒါ့အပြင် ဟော့ဒေါ့မုန့်ကိုလည်း အလွန်အကျွံမစားပါနဲ့။

(၅) ကျပ်လွန်းသော ဖိနပ်စီးခြင်း

ဘာဖြစ်စေသလဲ - ခြေဖမိုးနဲ့ ခြေဖဝါးနာကျင်ခြင်း

ကြွက်သားတွေဟာ ကျုံ့ဆန့်လိုက်၊ ဖြေလျော့လိုက်လုပ်တဲ့ အစိတ်အပိုင်းပါ။ ခြေထောက်နဲ့ မတော်တဲ့ ဖိနပ်ကျပ်ကျပ်ကို အချိန်ကြာကြာ စီးထားတဲ့အခါ ခြေဖမိုးနဲ့ခြေဖဝါးနာကျင် ရတတ်ပါတယ်။

ခြေထောက်ပြဿနာကင်းဝေးအောင် - ဖိနပ်ကြောင့် ခြေထောက်တွေ နာကျင် နေတယ်လို့ ခံစားရရင် တင်းနစ်ဘောလုံးတစ်လုံးပေါ်မှာ ခြေနင်းပြီးလှိမ့်ပေးရင် သွေးလှည့်ပတ်မှု ကောင်းမွန်စေပါတယ်။ ကြွက်သားတွေလည်း ပြေလျော့စေပါတယ်။ နေ့စဉ်လုပ်ပေးနိုင်ပါတယ်။

(၆) ရေပူချိုးခြင်း

ဘာဖြစ်စေသလဲ - အသားအရေခြောက်သွေ့ခြင်း

ရေပူချိုးတာနဲ့ ဆပ်ပြာတိုက်တာတွေဟာ အစိုဓာတ်ကို ထိန်းပေးထားတဲ့ အရေပြား ဆဲလ်တွေကို ကွာကျစေပါတယ်။ အရေပြားမှာရှိတဲ့ သဘာဝအဆီတွေကိုပါ ဆေးကြော လိုက်သလို ဖြစ်သွားတာကြောင့် အရေပြားတွေ ခြောက်သွေ့သွားတာပါ။

အသားအရေမခြောက်သွေ့အောင် - ရေပူနဲ့ချိုးတဲ့အခါ ခပ်မြန်မြန်ချိုးပါ။ ပြီးရင် အစိုဓာတ်ထိန်းပေးနိုင်တဲ့ ဆပ်ပြာအမျိုးအစားကိုသုံးပါ။ ရေချိုးပြီးတဲ့အခါမှာလည်း ခြောက်သွေ့အောင်သုတ်ပြီးခါစမှာပဲ အစိုဓာတ်ထိန်းလိမ်းဆေး (Moisturizing Ointment) ကိုလိမ်းပေးပါ။

(၇) ညစာစားပြီး ပူရှိန်းစားခြင်း

ဘာဖြစ်စေသလဲ - ရင်ပူခြင်း

ညစာကို အများကြီးစားပြီးချိန်မှာ ပူရှိန်းသကြားလုံး၊ ပီကေ စတာတွေကို စားလိုက်တာဟာ အစာအိမ်နဲ့ အစေရေမျိုပြွန်ကြားက ကြွက်သားစုကို ပွင့်စေကာ အက်စစ်ဆန်တက်ခြင်းကို ဖြစ်စေနိုင်တာကြောင့် ရင်ပူရတာပါ။

ရင်ပူခြင်းကင်းဝေးအောင် - ညစာစားတဲ့အခါ အများကြီးမစားပါနဲ့။ ဖြေးဖြေးနဲ့ ကြေညက်အောင် ဝါးစားပါ။ ရင်ပူစေတဲ့ ဆီကြော်စာ၊ ချောကလက်၊ အဆီများအသား၊ အယ်လ်ကိုဟော၊ ကဖင်းပါတဲ့ သောက်စရာနဲ့ အက်စစ်ဓာတ်လွန်ကဲတဲ့ ခရမ်းချဉ်သီး၊ ချဉ်တဲ့သစ်သီး စတာတွေကို လျှော့စားပါ။