ခန္ဓာအိမ်ကိုအရင်းပြု၍ သဘာဝဓမ္မကို လေ့လာခြင်း

ရာဇဂြိုဟ်မှ သီရိမာ၏ အသုဘရှုပွဲကြီးကား လွန်ခဲ့သော နှစ်ပေါင်း ၂၅၀၀ ကျော်ကတည်းက ပြီးဆုံးသွားခဲ့ပြီ ဖြစ်ပါသည်။ ထိုအသုဘရှုပွဲကြီး၌ ပါဝင်ခဲ့သူ အသီးသီးတို့သည်လည်း ကိုယ်စီ တရားအသိဉာဏ်နှင့် ထိုက်တန်သော ဘ၀တွေကိုလည်း ရရှိနေပြီ ဖြစ်ပါသည်။ အချို့သည် မြင့်မြတ်သောဘုံ၊ မြတ်သောဘ၀၊ မြတ်သောဌာနတွေမှာ ခံစားနေပေပြီ။ အချို့လည်း နိဗ္ဗာန်သို့ မျက်မှောက်ပြုခဲ့ကြပြီ။ သီရိမာကို အကြောင်းပြု၍ တရားဒေသနာ ချီးမြှင့်ခဲ့သော ဘုရားရှင် ကိုယ်တော်တိုင်ပင် ပရိနိဗ္ဗာန် ပြုခဲ့ရပြီ မဟုတ်ပါလော။

သီရိမာကို စွဲလမ်းစိတ် ဖြစ်ခဲ့စဉ်က ရာဂစိတ် အဓိပတိ ဖြစ်ခဲ့ရသော ကိုယ်တော်လေးသည် သုသာန် တစပြင်မှ သီရိမာ၏ ရုပ်အလောင်းကို မျက်ဝါးထင်ထင် တွေ့ရင်းမှ ဘုရားရှင်၏ ဒေသနာတော်ကို နာကြားလိုက်ရ သောအခါ…။

တင့်တယ်ခြင်းနှင့် မတင့်တယ်ခြင်း။ သုဘနှင့် အသုဘ။

သုဘနိမိတ်ကို မြင်သောအခါ စိတ်သည် စွဲလမ်းသည့်ဘက်သို့ ဦးတည်သည်။ အသုဘနိမိတ်ကို မြင်သောအခါ စိတ်သည် စက်ဆုပ်ရွံရှာသည့် ဘက်သို့ ပြောင်းလဲသွားသည်။ မြင်ကွင်း ပြောင်းသည့်အခါ စိတ်ပြောင်းသွားသည်။ မြင်ကွင်း အပြောင်းအလဲကို မည်သူက ဖန်တီးသနည်း။ ပုဂ္ဂိုလ် တစ်ဦးတည်းက ဖန်တီးခြင်း ဖြစ်သည်။ ထိုပုဂ္ဂိုလ်ကား သီရိမာ။

သီရိမာ၏ ခန္ဓာအိမ်နေရာတွင် အခြားသူတစ်ဦး၏ ခန္ဓာအိမ် အသစ်တစ်ခု အစားထိုး ၀င်ရောက်လာခြင်း မဟုတ်ပါ။ နဂိုရှိရင်းစွဲ သီရိမာ၏ ခန္ဓာအိမ်ကြီးကသာ ဖောက်ပြန် ပြောင်းလဲသွားခြင်း ဖြစ်ပါသည်။ လွန်ခဲ့သော သုံးရက်ခန့်က ကပိုကရို အလှကလေးနှင့်ပင် ကြည့်၍မ၀နိုင် ဖြစ်ခဲ့ရသော သီရိမာ၊ ယခုတော့ ဖရိုဖရဲ၊ ပြိုကွဲ ယိုစီး နံစော်၊ မြင်မကောင်း ရှုမကောင်း၊ ယင်တလောင်းလောင်းနှင့် နှစ်ခါပြန် ကြည့်ချင်စရာ မကောင်းတော့သည့် သီရိမာ။ ဖြစ်နိုင်လျှင် မကြည့်ချင်တော့။ မျက်လုံးစုံမှိတ် ထားလိုက်ချင်တော့သည်။

ဘယ်မှာလဲ ဟိုတစ်နေ့က ဆွမ်းမစားနိုင်လောက်အောင် စွဲလမ်းခဲ့ရတဲ့ သီရိမာရဲ့ အလှပုံရိပ်တွေ။ ကိုယ်တော်လေးသည် အငွေ့အသက်ကို မမေ့ရက်စရာ အဖြစ် သတ်မှတ်သိမ်းဆည်း ထားခဲ့သည်ပဲ။ မျက်စိဖြင့် သီရိမာကို မြင်သည်။ မြင်သိစိတ် ဖြစ်ပေါ်သည်။ မြင်သိစိတ်နောက်က လိုချင်စိတ်ကလေး ကပ်ပါလာသည်။ ကြည့်စမ်း.. မြန်လိုက်သည့်စိတ်။

တပ်မက်မှု တဏှာစိတ်ကလေးက အမြစ်စတွယ်ပေပြီ။ အမြစ်တွေ ပွားလာသည်။ လိုချင်စိတ်သည် ကင်ဆာရောဂါနှင့် တူသည်။ အမြစ်ပွားနှုန်း မြန်လှသည်။ ရှေ့စိတ်သည် နောက်စိတ်ဆီသို့ လောဘ၏ သတ္တိကို အဆင့်ဆင့် လက်ဆင့်ကမ်း ပေးသွားသည်။ လောဘအိုးကြီးသည် တဖြည်းဖြည်း ကြီးထွားလာပေပြီ။ စိတ်နှင့်မဆန့်အောင် ကြီးထွားလာသောအခါ စိတ်သည် ထိုလောဘ၏ ၀န်ထုပ်ကို အလေးအပင် တစ်ခုအနေဖြင့် ပြန်ထမ်းနေရတော့သည်။ စိတ်ကြီးကား လေးလံလှချေပြီ။ လေးလံလာသောအခါ ထိုင်းမှိုင်းလာစမြဲ။ ကိလေသာ ဟူသမျှ ပူရသည်မှာမလွဲ။ ကိလေသာ ခေါင်းဆောင်ဖြစ်သော လောဘသည် အပူဓာတ်တွေကို ယူဆောင်လာသည်။ ထို အပူဓာတ်သည် တည်ငြိမ်အေးချမ်းမှု မရှိတော့။ ဘယ်မှာလာ၍ ငြိမ်းအေးနိုင်ပါတော့ မလဲ။

ထို့ကြောင့်ပင် ကိုယ်တော်လေးသည် သီရိမာ လောင်းလှူလိုက်သော ဆွမ်းကိုပင် မစားနိုင်တော့သည် အထိ ဖြစ်ခဲ့ရသည်။ ကိုယ်တော်လေး၏ စိတ်အတွင်းဝယ် သီရိမာ၏ ပုံရိပ် အငွေ့အသက်တွေသည် သုံးရက်တိတိ ၀င်မွှေ လောင်ကျွမ်းနေခဲ့သည်။ သတိလက်လွတ် ဖြစ်နေသောအခါ၊ သညာသည် တန်ခိုးထွားလာသည်။ ခုနက မှတ်ထားခဲ့သော သီရိမာ၏ ပုံရိပ်ကို သညာက အထပ်ထပ် ပုံဖော်ပေးနေသည်။ ကိုယ်တော်လေးသည် သညာခေါ်ရာသို့ လိုက်သည်။ အငွေ့အသက်ကို တကယ့်အရှိတရားဟု ကိုယ်တော်လေး ယုံကြည်နေသည်။ အမြင်မှားပေပြီ။ ဒိဋ္ဌိဝင်ပြီ။ ကိုယ်တော်လေး၏ အာရုံရိပ်တွင် အငွေ့အသက်အဖြစ် ပုံဖော်နေသော သီရိမာသည် အမှန်တကယ်တွင်မူ သုဿာန်တစပြင်၌ အလောင်းကောင်အဖြစ် ဖောက်ပြန်ချင်တိုင်း ဖောက်ပြန်နေချိန် ဖြစ်သည်။ ဤသည်ကို ကိုယ်တော်လေးသည် မသိမမြင်။

ဒီတော့ သညက္ခန္ဓာကြီးက ပုံဖော်ပေးလိုက်၊ ဝေဒနက္ခန္ဓာက ချဲ့ပြီး ခံစားပေးလိုက်၊ ၀ိညာဏက္ခန္ဓာကြီးက လိမ်ပြီးသိနေလိုက်၊ သင်္ခါရက္ခန္ဓာကြီးက အမှားနောက် တကောက်ကောက် လိုက်လံပြုပြင် ပေးနေလိုက်နှင့် ကိုယ်တော်လေး၏ စိတ်သည် အလုပ်များခဲ့ရသည်။ ပင်ပန်းခဲ့ရသည်။ အဆမတန် ပူလောင်ခဲ့ရသည်။ အမြင်မှားမှုကို အခြေခံသော မိစ္ဆာဒိဋ္ဌိ၏ နောက်၌ တန်းလန်း တန်းလန်း ပါလာသော အကျိုးတရားများမှာ အကုသိုလ်သတ္တိတွေသာ ကိန်းအောင်းနေပေသည်။

ကိုယ်တော်လေးခမျာ သုံးရက်လုံးလုံး ဆွမ်းခံမထွက်၊ ဆွမ်းမစား၊ တပိန်ပိန် တလိမ်လိမ်။ သူ့စိတ်ထဲမှာတော့ သီရိမာမှ သီရိမာ။ ထိုသုံးရက် လွန်ပြီးနောက် သီရိမာဆိုသော အသံကို ကြားရမှ သပိတ်ကို ဆေးခဲ့သည့် သူ့အဖြစ်။ ထိုအခါမှ သပိတ်ထဲမှ ပုပ်သိုးနံစော်နေသော ဆွမ်းပုပ်တွေကို တွေ့ရသည်။ မေ့မြောရာမှ သတိလည်လာသူပမာ။ ဒါတောင် ဘုရားရှင်ဆိုသော အသံထက် သီရိမာဆိုသော အသံကိုသာ သူကြားခဲ့ခြင်း ဖြစ်သည်။ သုဿာန်သို့ အပြေးတပိုင်းနှင့် ထွက်လာခဲ့။ ကဲ.. တွေ့ရပြီ.. သီရိမာ။

အလို.. သူထင်သလို မဟုတ်တော့ပါလား။ သုံးရက်လုံးလုံး သူ့စိတ်ထဲ၌ အချိန်ပြည့် နေရာယူခဲ့သည့် သီရိမာတည်းဟူသော အငွေ့အသက်သည် ဒီပုံမဟုတ်။ သူ နောက်ဆုံးတွေ့ခဲ့သည့် ကပိုကရို အလှကလေးနှင့် သီရိမာသည် ဒီပုံစံမဟုတ်။ လုံးဝမဟုတ်။ သူ ထင်မှတ်မှား နေရော့လား။ သူ ဇဝေဇ၀ါ ဖြစ်နေရော့လား။ စိတ်တွေထွေပြား၍ အမြင်မှားနေခြင်း ပေလား။

ဟော.. ဘုရားရှင်၏ အမေးတွင် ပရိသတ်အပေါင်းက တစ်ခဲနက် ညာသံပေး၍ ဖြေကြပေပြီ။ ဒီရုပ်အလောင်းကြီးသည် သီရိမာတဲ့။ မဖြစ်နိုင်တာ။ သူ့စိတ်ထဲက မည်သို့ ငြင်းပယ် ငြင်းပယ်၊ ဒီရုပ်အလောင်းကြီးသည် သီရိမာ အစစ်ပင်တည်း။ အားလုံး တစ်ခဲနက် ထောက်ခံနေကြပြီ။ ဟော.. အသက်ရှင်စဉ်က တစ်ရက်လျှင် အသပြာတစ်ထောင် တန်သည့် သီရိမာသည် ယခုတော့ အခကြေးငွေ မဆိုထားနှင့်၊ အခမဲ့ ယူမည့်သူပင် မရှိတော့ပြီကော။ ကဲ.. ဘယ်မှာလဲ သီရိမာရဲ့ တန်ဖိုးဆိုတာ..။

သီရိမာရဲ့ တန်ဖိုးတွေသည် သီရိမာရဲ့ ဆံပင်တွေထဲမှာလား။ ဘယ်မှာ ဟုတ်နိုင်ပါတော့မလဲ။ မဖြီးမလိမ်း၊ မပြင်မဆင်ထားတော့ ဘယ်မှာလဲ ဆံပင်ပုံ၊ ဆံထုံးပုံ။ ဖွာလန်ကြဲ မွဲခြောက်နေတဲ့ ဆံပင်တွေမှာ ဖုန်တွေ အလိမ်းလိမ်းနဲ့။ ရုပ်ပျက်လိုက်တာ။

ကိုယ်တော်လေးရဲ့ စိတ်ထဲမှာ အငွေ့အသက်အဖြစ် အရိပ်ခိုခဲ့တဲ့၊ ကိုယ်တော်လေးရဲ့ စိတ်ကို အလွှမ်းမိုးကြီး လွှမ်းမိုးနိုင်ခဲ့တဲ့ သီရိမာရဲ့ မျက်နှာလေးကရော၊ ဘုရား.. ဘုရား.. ကြည့်နေရင်းမှပင် မျက်လုံးကြီးနှစ်ဖက် ထပေါက်တော့မယ့် အတိုင်းပါလား။ ဖူးရောင်ရုန်းကြွ ခုံးထနေတာ.. ဖောက်ခနဲ ပေါက်သွားလိုက်ရင်ဖြင့်..။ နှာခေါင်းကြီးကလည်း ပွထ၊ အထက်နှုတ်ခမ်း၊ အောက်နှုတ်ခမ်း အစုံကလည်း ထူလပျစ်။ ပါးကြီးနှစ်ဖက်ကလည်း ပါးချိတ်ရောင်.. သွားကိုက် ဝေဒနာသည်လို ရောင်ကား ဖောင်းထနေလိုက်တာ။ အလို.. ပါးစပ်ထဲကလည်း အပုပ်ရည်တွေ စီးကျနေလိုက်တာ..။ အခုရနေတဲ့ အပုပ်နံ့တွေဟာ အဲဒီ့ အပုပ်ရည်တွေဆီကလား မသိ။

ကိုယ်တော်လေးသည် စိတ် မသက်သာစွာဖြင့် မျက်လုံးအစုံကို မှိတ်လိုက်သည်။ သူ့စိတ်ထဲတွင် နေရာယူထားသော သီရိမာ၏ ပုံရိပ် အငွေ့အသက်တို့သည် တဖြည်းဖြည်း လွင့်ပြယ်စ ပြုလေပြီ။ ဒီပုံကြီးဆိုရင်ဖြင့် သီရိမာကို ဘယ်လိုလုပ်ပြီး စိတ်ထဲမှာ ထည့်သွင်းသိမ်းဆည်း ထားနိုင်ပါတော့မလဲ။ ဘယ်လိုလုပ်ပြီး ပုံဖော် စိတ်ကူးယဉ်နိုင်ပါတော့ မလဲ။ ခဏတဖြုတ် ကြည့်လိုက်ရတဲ့ အချိန်ကလေး မှာတောင် ဆက်မကြည့်ချင်တော့လို့ မျက်စိကို မှိတ်လိုက်ရတာ။

ကြည့်ပါဦး.. လည်ပင်းကြီးကလည်း အဆမတန် ရောင်ကိုင်းကြီးထွား နေပါပကောလား။ ပခုံးတွေ၊ လက်တွေလည်း ရောင်ကိုင်း ပွထနေလိုက်တာ။ ၀တ်ထားတဲ့ အရှက်လုံအင်္ကျီ ဖျင်စတွေပင်လျှင် အချို့နေရာမှာ ချုပ်ရိုးပြုတ်လိုပြုတ်၊ ကွဲထွက်လို ကွဲထွက် ဖြစ်နေပါရော့လား။ ရင်ဘတ်ကြီး မို့မောက်လိုက်ပုံကလည်း တောင်ကုန်းတစ်ကုန်းလို။ အို.. ဗိုက်ပေါ်က အ၀တ်စတွေမှာလည်း စိုရွှဲ ရိရွဲလို့။ အပုပ်ရည်တွေ စွန်းထင်း ပေကျံနေပါရောလား။ နံလိုက်တာနော်။

ပေါင်မှသည် ခြေသလုံး။ နည်းတဲ့ ရောင်ကိုင်း ပွထမှုကြီးမဟုတ်။ သီရိမာသည် မူလခန္ဓာကိုယ်ထက် နှစ်ဆကျော်ကျော်၊ သုံးဆနီးပါး ရှိနေချေပြီ။ ခြေချောင်းတို့၏ တုတ်ခိုင် ပွထမှုများကတော့ မပြောပါနဲ့တော့။ အ၀လွန်နေသည့် မိန်းမတစ်ယောက်၏ ဖ၀ါးတွေ၊ ခြေချောင်းတွေလို။ အ၀လွန်သည့် မိန်းမကြီးတစ်ယောက် ပိုးစိုးပက်စက် ပစ်စလက်ခတ် အိပ်နေသည့်ပုံကြီးနှင့် တူလွန်းလှသည်။

ဒါဟာ အလှဘုရင်မ တစ်ယောက်ရဲ့ ရုပ်ကလာပ်တဲ့လား..။ တစ်ကိုယ်လုံးကို ခြုံကြည့်လိုက်တော့ မှိုင်းဝနေသော မီးပုံးပျံကြီးလို ဖြစ်နေသေည့် သီရိမာ။

ပြုပြင်ပြောင်းလဲ ပေးနေရသော နာမ်ခန္ဓာတစ်ပါးဖြစ်သည့် သင်္ခါရက္ခန္ဓာကြီး အလုပ်မလုပ်တော့သော အခါ ဒီခန္ဓာအိမ်ကြီးသည် ပိုင်ရှင်မဲ့သူ တစ်ဦးအဖြစ် ကျန်ခဲ့ရသည်။ မှတ်သားခြင်း၊ သိမြင်ခြင်း၊ ခံစားခြင်း၊ ပြုပြင်ခြင်း ကိစ္စများ ဆောင်ရွက်နေသော နာမ်ခန္ဓာလေးပါးသည် သူတို့ အမှီပြု အလုပ်လုပ်ရာ ကာယခန္ဓာကြီးကို ရက်စက်စွာ ထားရစ် စွန့်ပစ်ခဲ့ကြလေပြီ။ ရုပ်ခန္ဓာ တစ်ပါးဖြစ်သော ရူပက္ခန္ဓာကြီးသည်လည်း ညီတော်နောင်တော် ပီသစွာ နာမ်ခန္ဓာ လေးပါးနောက်သို့ တစ်ပါတည်း လိုက်သွားခဲ့ပေပြီ။ သူတို့ငါးပါး အုပ်စုသည် နောက်ခန္ဓာအိမ် အသစ်တစ်ခု၌ အလုပ်တွေ လုပ်နေကြပေပြီ။ သို့သော် သီရိမာ၏ ခန္ဓာအိမ်အဟောင်းတွင် ဖြစ်ခဲ့သော ခန္ဓာငါးပါးတော့ မဟုတ်တော့ပါချေ။ အဟောင်း ချုပ်ငြိမ်း၍ အသစ်အသစ် ဖြစ်ပေါ်လာသော ခန္ဓာငါးပါးတို့သာ ဖြစ်ပါသည်။ ထိုအခါ မူလက သူတို့ အမှီပြု အလုပ်လုပ်ရာ ဌာနကြီးဖြစ်သော သီရိမာ၏ ခန္ဓာအိမ် အဟောင်းကြီးသည် ယခုမူ ပိုင်ရှင်မဲ့အဖြစ် သုဿာန် တစပြင်၌ ဖြစ်ချင်တိုင်း ဖြစ်နေလေပြီ။

ဤသည်ကို တရားနာ ပရိသတ်အဖြစ် ရောက်ရှိနေသော သီရိမာ နတ်သမီးကိုယ်တိုင် ပြတ်ပြတ်ထင်ထင် သိမြင်နေရသည်။ ယခင်က ရာဇဂြိုဟ်မြို့က ပြည့်တန်ဆာ သီရိမာ။ ယခုတော့ ယာမာနတ်ပြည်က နတ်သမီး သီရိမာ။ သူ့ခန္ဓာအိမ် အဟောင်းကို သူကိုယ်တိုင် အသုဘ ပြန်ရှုနေရသော အဖြစ်။ ဒီခန္ဓာအိမ်ကို အမှီပြု၍ သီရိမာသည် ငါမှငါ ဖြစ်ခဲ့သေးသည်။ ငါ့ခန္ဓာ၊ ငါ့အလှဟူ၍ မာန်တွေ တက်ခဲ့သေးသည်။ ထိုမာန်တွေကြောင့်ပင် ဥတ္တရာကို ဆီပူနှင့် လောင်းချခဲ့သည်အထိ ကျူးလွန်ခဲ့မိသေးသည်။ ဥတ္တရာ၏ ခင်ပွန်းသည် သုမန သူဌေးသားကို ပိုင်ဆိုင်လိုစိတ်တွေ ဖြစ်ခဲ့သေးသည်။ အဲဒီ သီရိမာဆိုတာကြီးကို အခုဘယ်မှာ အသုံးချနိုင် ပါတော့မလဲ။ အခုတော့ သီရိမာဆိုသော အပေါင်းအစု၊ အစုအဝေးကြီးသည် ဘာမျှ တုံ့ပြန်ပြောဆိုခြင်း မပြုနိုင်တော့ပြီကော။ ဒီအစုအဝေးကြီးကို ကိုင်စွဲ၍.. ငါဟဲ့၊ သီရိမာဟဲ့ဟု ပြောဆို ဆက်ဆံခဲ့တာတွေသည်..။

ကြည့်စမ်း.. ငါတည်းဟူသော သီရိမာ၏ ခန္ဓာကို အစွဲအလမ်းကြီး စွဲလမ်း၍ သောက ပရိဒေ၀မီး တောက်လောင်နေရှာတဲ့ ကိုယ်တော်လေး..၊ သီရိမာရဲ့ ခန္ဓာလို့ ထင်နေတဲ့ ကိုယ်တော်လေးခမျာ မသက်မသာ ပင်ပန်းနေရှာ ပါလား။ ဒီမှာ ကိုယ်တော်လေး..။ တပည့်တော်မဟာ ယာမာ နတ်ဘုံမှာ နတ်သမီး သီရိမာ ဖြစ်နေပါပြီ။ အခု ဘုရားရှင်က တပည့်တော်မ အလောင်းကို ရှုကြည့်ပြီး တရားဟောမယ် ဆိုလို့ တပည့်တော်မ ယာမာနတ်ပြည်ကနေ အပြေးလာခဲ့ရတာ။ တပည့်တော်မရဲ့ ခန္ဓာအိမ် အသစ်ကို ကိုယ်တော်လေး ဘယ်မြင်နိုင်ပါဦး မလဲ။ ကောင်းပါပြီလေ.. ကိုယ်တော်လေး အခုမြင်နေတဲ့ တပည့်တော်မရဲ့ ခန္ဓာအိမ် အဟောင်းဟာ ကိုယ်တော်လေး ရှေ့မှာပဲ ဖောက်ပြန် ပြောင်းလဲနေပုံကို ကိုယ်တော်လေး မြင်ရင်းက သံဝေဂ ရပါစေတော့..။

ကိုယ့်ရုပ်အလောင်းကို ကိုယ်ပြန်ကြည့်ရင်းက ဖြစ်ပျက်တရား၊ ပြုပြင်မှု တရား၊ ဖောက်ပြန်မှု တရားတွေကို ဉာဏ်ဖြင့် အထပ်ထပ် ဆင်ခြင် ရှုပွားလေသော် ဘုရားရှင်၏ ဒေသနာအဆုံး၌ နတ်သမီး သီရိမာသည် အနာဂမ် တည်ခဲ့လေပြီ။

ကိုယ်တော်လေးကား လက်ငင်း မြင်တွေ့နေရသည့် အမှန်တရားကို လက်မလွတ်စတမ်း ဆုပ်ကိုင် ဖမ်းယူရင်းမှ ဖြစ်ပျက်၊ ဖောက်ပြန် ပြုပြင်မှု၊ အနိစ္စ လက္ခဏာတို့ကို ရှုပွား ဆင်ခြင်မိသောအခါ သောတာပတ္တိမဂ်သို့ ဆိုက်ရောက်လေ တော့သည်။

ကိုယ်တော်လေး၏ အမြင်သည် မိစ္ဆာဒိဋ္ဌိမှ သမ္မာဒိဋ္ဌိသို့ ပြောင်းခဲ့လေပြီ။

တကယ်တော့ သီရိမာဟူသည် ကေသာ၊ လောမာ၊ နခါ၊ ဒန္တာ၊ တစော ဟူသော ဆံပင်၊ မွေးညင်း၊ ခြေသည်း လက်သည်း၊ သွား၊ အရေထူ၊ အရေပြား စသည့် ၃၂ ကောဋ္ဌာသ အစိတ်အပိုင်းတို့ ပေါင်းစုထားသော အစုအဝေးကို တိုတိုနှင့် လွယ်လွယ် ခေါ်လိုက်ခြင်း မဟုတ်လော..။

ကိုယ်တော်လေး၏ ဉာဏ်အမြင် ပြောင်းသွားလေပြီ။ ကိုယ်တော်လေးသည် သီရိမာ၏ ခန္ဓာအိမ်မှ တစ်ဆင့် သဘာဝ ဓမ္မတစ်ခုကို တွေ့ရှိသွားခဲ့ပြီ ဖြစ်သည်။ သည့်အတွက် သီရိမာ၏ ခန္ဓာအိမ်သည် အရင်းအနှီး တစ်ခုအဖြစ် ပေးဆပ်ခဲ့ရသည်။ နတ်သမီး သီရိမာအတွက် ပင်လျှင် သူမ၏ ဘ၀ဟောင်း ခန္ဓာအိမ်သည် သူမ အနာဂမ် ဖြစ်ဖို့အတွက် အရင်းအနှီးတစ်ခု ဖြစ်ခဲ့သည်သာ။

ခန္ဓာအိမ်ကို အရင်းပြု၍ သဘာဝဓမ္မကို လေ့လာမိခြင်းကြောင့် ရရှိသော အကျိုးကား ကြီးမားလှပေစွ..။

******************************

ဆရာမြသန်းစံ ရေးသားသော “ခန္ဓာအိမ်ကို အရင်းပြု၍ သဘာဝဓမ္မကို လေ့လာခြင်း” စာအုပ်မှ ကူးယူ ဖော်ပြပါသည်။

ဘ၀ရဲ့ အရွယ် ၃ ပါး

ဘ၀ရဲ့အရွယ် ၃ ပါးကို အခုလိုပုံစံမျိုးနဲ့မကြုံချင်ဘူး
သူငယ်ချင်းများအားလုံး ဒီအရွယ် ၃ ပါးထဲက ကျော်လွန်နိုင်ပါစေ

(၁)
ဆယ်ကျော်သက်အရွယ်မှာတော့
အချိန်ရှိတယ်
စွမ်းအားရှိတယ်
ပိုက်ဆံမရှိဘူး

(၂) အလုပ်လုပ်တဲ့ အရွယ်ကျတော့
ပိုက်ဆံရှိတယ်
စွမ်းအားရှိတယ်
အချိန်မရှိဘူး

(၃)
အသက်ကြီးလာတော့
အချိန်ရှိတယ်
ပိုက်ဆံရှိတယ်
ဒါပေမဲ့............
အိုမင်းမစွမ်းဆိုတဲ့အတိုင်း
ခွန်အားမရှိတော့ဘူး



သင်ရော..................အခုအချိန်မှာ
ဘယ်အရွယ်ထဲမှာ ရောက်နေပြီလဲလို့......ဆင်ခြင်နိုင်ကြပါစေ

သင် တစ်ယောက်တည်း ရှိနေချိန် heart attack ရခဲ့သော်

တရားထိုင်နေစဉ်ဖြစ်ဖြစ်၊မိမိတစ်
ဦးတည်းဘုရားခန်းထဲမှာတရားမှတ်နေစဉ်ဖြစ်ဖြစ်
သင် တစ်ယောက်တည်း ရှိနေချိန် heart attack ရခဲ့သော် (သို့ ) နှလုံးအဆုတ်
အသက်ကယ်နည်း CPR ....


ညနေ ၆း၁၅ လောက်မှာ သင်ဟာအိမ်ကိုတစ်ယောက်တည်းပြန်လာနေတယ် ဆိုကြပါစို့ ။
အလုပ်မှာကလည်း စိတ်လှုပ်ရှားပင်ပန်းခဲ့ တဲ့ နေ့ ဆိုပါတော့။ သင်ဟာ တကယ်မောပန်း
စိတ်ပျက်နေတဲ့အချိန်ပါပဲ။ ဒီချိန်မှာရုတ်တရက် ရင်ခေါင်းထဲက
ပြင်းထန်တင်းကြပ်နာကျင်မှုမျိုး သင်ခံစားလိုက်ရပါတယ်။အထဲက လက်နဲ့
ဆွဲဆုပ်ညှစ်ထားသလိုမျိုး၊ ရင်ဘတ်ပေါ် လူတစ်ယောက်တက် ထိုင်ထားသလိုမျိုး
ခံစားရပြီး အရမ်းပြင်းထန်လို့ ချွေးသီး ချွေးပေါက်တွေတောင် ကျလာပါတယ်။
ဒီနာကျင်မှုဟာ လက်မောင်းတွေ၊ မေးရိုးတွေအထိ ထုံကျင်ပျံ့ နှံ့ သွားပါတယ်။ ဒီတော့
သင် ကြားဖူးထားလို့ သိလိုက်ရတာက ဒါဟာနှလုံးသွေးကြောပိတ်ပြီး နှလုံးက
အောက်စီဂျင် မရတဲ့ရောဂါ ( Ischaemic Heart Disease ) ရဲ
့နှလုံးရုတ်တရက်ထဖောက်ခြင်း ( Heart Attack) ဆိုတာပါပဲ။ ကံဆိုးစွာပဲ သင်နဲ့
အနီးဆုံးဆေးရုံဆေးခန်းဟာ ၅မိုင်လောက် ဝေးပါတယ်။ ဒီချိန်မှာ နောက်
တစ်မိနစ်လောက်တောင် သင်အသက်ဆက် ရှင်နိုင်ပါတော့မလားလို့ ထင်ရလောက်အောင်
ဝေဒနာကလဲ ဆိုးဝါးလာပါတယ်။ ဒါဆို သင်ဘာလုပ်မလဲ........?

သင်အရင်တုန်းက Cardiopulmonary Resuscitation, CPR လို့ ခေါ်တဲ့
အရေးပေါ်နှလုံးအဆုတ် အသက်ကယ်နည်းကို သင်ခဲ့ရဖူးမှာပါ။ လူနာကို ရင်ဘတ်ပေါ်ကနေ
လက်နဲ့နှလုံးကို ၃ ချက်နှိုးလိုက်၊ လူနာကိုနှာ ခေါင်းပိတ်ပြီး ပါးစပ်ကနေ ၁ ချက်
လေမှုတ်သွင်းပေးလိုက် စည်းချက် ကျကျလုပ်ရတာဆိုတာ သင်သိပါတယ်။ အခုသင့်ကို
ဒီလိုလုပ်ပေးဖို့ လိုလာပြီဆိုတာ သင်သိလိုက်ပါပြီ။ ဒါပေမယ့် အနားမှာ
လူတစ်ယောက်မှ မရှိတဲ့နေရာကို သင်ရောက်နေတယ်ဆိုရင် သူများကို
ဘယ်လိုလုပ်ခိုင်းမလဲ။ ဒီအတွက် လူတိုင်းကိုယ့်ကိုယ်ကို လုပ်လို့ ရတဲ့ CPR
အသက်ကယ်နည်းကို တင်ပြပေးချင်ပါတယ်။

CPR ဆိုတာ heart attack ရလို့ ။ဓာတ်လိုက်သွားလို့ ၊ ရေနစ်လို့ ၊
အကြောင်းကြောင်းကြောင့် အသက်ရှူရပ်သွားလို့  စတာတွေဖြစ်ခဲ့ရင် လူနာရဲ့ အသက်ကို
ကယ်တင်ဖို့ နှလုံးနဲ့ အဆုတ်ကို ပုံမှန်အလုပ် ပြန်လုပ်အောင်
နှိုးပေးတာဖြစ်ပါတယ်။ ပါးစပ်ကနေ လေမှုတ်သွင်း အသက်ရှူစေခြင်းနဲ
့နှလုံးဖိနှိုးခြင်း ဆိုပြီး နှစ်ပိုင်းပါပါတယ်။ကမ္ဘာပေါ်မှာ နှစ်တိုင်း heart
attack ၊ အဆိပ်မိခြင်း၊ ရေနစ်ခြင်း စတာတွေကြောင့် နှစ်စဉ်လူတွေသန်းနဲ့ချီ
သေနေကြပါတယ်။ ဖြစ်ပြီးပြီးချင်း CPR သာလုပ်ပေးမယ်ဆိုရင် အများစုရဲ့  အသက်ကို
ကယ်လို့ ရမှာပါ။ ဒီတော့ လူတိုင်းဒီနည်းကို တတ်ထားသင့်တာပေါ့။ ဒါက ရိုးရိုးCPR
ကိုပြောတာပါ။ ဒါထက်အရေးကြီးတာက ကိုယ် တစ်ယောက်တည်း ရှိနေတဲ့အချိန် ရုတ်တရက်
heart attack ရတယ်။ လူကလဲမေ့မျောချင်လာပြီဆိုရင် ကိုယ့်ကိုယ်ကို CPR
လုပ်နည်းလေး မှတ်ထားကြပါ။

အသက်ပြင်းပြင်းရှူသွင်းလိုက်ပြီး အားနဲ့ ချောင်း အဆက်မပြတ် လုပ်ဆိုးလိုက်ပါ။
ချောင်း တစ်ချက်ချင်းစီကိုလည်း ရင်ခေါင်းထဲကနေ ကြာကြာလေးဖြစ်အောင် ဆွဲဆိုးပါ။
သလိပ်တွေ ထွက်လာရင် ထွက်လာပလေ့ စေ။ အသက်ဆက်တိုက်ရှူပြီး ချောင်းဆက်တိုက်
ဆိုးပေးပါ။ အရမ်းမြန်ရင်တော့ ပိုမောစေလို့ မှန်မှန်ပဲလုပ်ပါ။ ဒါဟာသင့်အသက်ကို
သင်ကယ်နေတာ ဖြစ်ပါတယ်။ တဖြည်းဖြည်းပိုပြီးနေလို့ ကောင်းလာတာ သင်ခံစားရမှာပါ။
သွားလိုတဲ့ဆေးရုံမရောက်သေးခင် ၊ကုသပေးမယ့် သူတွေမရောက်သေးခင် အထိ
ဒီလိုလုပ်ပေးပါ။

အသက်ပြင်းပြင်း ရှူလိုက်တော့ အဆုတ်ထဲလေတွေ အများကြီးဝင်လာပြီး လတ်တလော
အောက်စီဂျင်ပိုရစေပါတယ်။ ချောင်းဆိုးခြင်းက နှလုံးကို ဖျစ်ညှစ်ပေးပြီး
သွေးလှည့်ပတ်မှုကို မြှင့်တင်ပေးပါတယ်။ ဒါကြောင့် နှလုံးပုံမှန်ပြန်ခုန်စေပြီး
နှလုံးရောဂါ ထဖောက်လာတဲ့လူနာက ဒီနည်းနဲ့ ဆေးရုံကို ဘေးကင်းစွာ
မျှော်လင့်ချက်ရှိရှိ ရောက်ရှိနိုင်မှာ ဖြစ်ပါတယ်။ ဒီဆောင်းပါးကို
ဖတ်ပြီးပြီဖြစ်လို့ သင်ကိုယ်တိုင်ဖြစ်လာခဲ့ရင် CPR လုပ်ပြီး သင့်အသက်ကို
ကယ်ဆယ်ဖို့  သတိရပါ။ သူများတွေကိုလည်းဖြန့် ဝေပေးရင် အသက်ပေါင်း
မြောက်မြားစွာကို ကယ်တင်ပြီးသားဖြစ်မှာပါ။

ရတုအဆက်ဆက်

--၁ နှစ် ----- စက္ကူ ရတု
--၂ နှစ် ----- ဂွမ်း ရတု
--၃ နှစ် ----- သားရေ ရတု
--၄ နှစ် ----- ပိုး ရတု
--၅ နှစ် ----- သစ်သား ရတု
--၆ နှစ် ----- သကြား ရတု
--၇ နှစ် ----- သက္ကလပ် ရတု
--၈ နှစ် ----- ကြေး ရတု
--၉ နှစ် -----ဥဿဖရား ရတု
၁၀ နှစ် ----- သံဖြူ ရတု
၁၁ နှစ် ----- သံမဏိ ရတု
၁၂ နှစ် -----ချည်ထည် ရတု
၁၃ နှစ်----- ဇာပန်း ရတု
၁၄ နှစ် -----ဆင်စွယ် ရတု
၁၅ နှစ် -----ကျောက်သလင်း ရတု
၂၀ နှစ် -----ကြေး ရတု
၂၅ နှစ် -----ငွေ ရတု
၃၀ နှစ် -----ပုလဲ ရတု
၃၅ နှစ် -----ကျောက်စိမ်း ရတု
၄၀ နှစ် -----ပတ္တမြား ရတု
၄၅ နှစ် -----နီလာ ရတု
၅၀ နှစ် -----ရွှေ ရတု
၅၅ နှစ်----- မြ ရတု
၆၀ နှစ်----- စိန် ရတု
၇၅ နှစ်----- စိန် ရတု

လူ.ဘ၀နဲ. အခြေအနေအချိန်အခါ

၁။ လူတိုင်းကတော.လုပ်တိုင်းမဖြစ်သလို ဖြစ်တိုင်းလည်းလုပ်ခဲ.လို.မဟုတ်ပါဘူး။
ကံတရားဆိုတာတော့ ဒွန်တွဲပြီးပါလာတတ်ကြတာပါပဲ ။
၂။ လူတစ်ယောက်လူ့ လောကထဲကိုရောက်လာပြီးအသိတရားလေးစတင်ရှိလာပြီဆိုရင် သူ့ ရဲ့ စိတ်နေစိတ်ထားဟာ သူ့ ကိုယ်တိုင်မပြင်နိုင်သေးသရွှေ့ ကြီးပြင်းလာခဲ့ တဲ့ ပတ်ဝန်းကျင်အရ ဓလေ့ စရိုက်တွေအရပြောင်းလဲဖြစ်ပေါ်လာတတ်တယ် ။
၃။ တစ်ချို့ ကတော.မကောင်းမှန်းသိလို့ ပြင်နိုင်ကြသလိုပဲ တစ်ချို့ ကတော့ စိတ်ကိုအလိုလိုက်ပြီးပတ်ဝန်းကျင်ပြောင်းလဲမှု ကိုမခံနိုင်လို့ စိတ်သွားရာ ကိုယ်ပါခဲ့ကြတယ်။
၎။လိမ်မာတဲ့ အသိဥာဏ်ရှိတဲ့  မှန်ကန်တဲ့  လူတိုင်းမချမ်းသာကြသလိုပဲ ချမ်းသာတိုင်းလည်း အဲဒီ့အရာတွေပြည့်စုံမှုမရှိပါဘူး ။ အသက် ၂၀ ကျော်လာပြီဖြစ်တဲ့ လူတစ်ယောက်ဟာ ဦးနှောက်အေးအေးလေးနဲ့ ပြသနာတစ်ခုကို ကိုယ်တိုင်ဖြေရှင်းနိုင်ပြီလို့ ပညာရှင်များကပြောပါတယ်။
၅။ အဲဒီ့လိုအချိန်မှာကိုယ်ကမဆုံးဖြတ်နိုင်ရင် ကိုယ့်ဘ၀ ရဲ့ ဦးတည်ချက်ဖြစ်တဲ.မြှားကို ကိုယ်တိုင်လေးကိုင်နေတဲ့လူက ဦးတည်ရာလမ်းညွှန် မပေးနိုင်သရွေ့ တော့ ပစ်မှတ်ကတော့ လွဲနေဦးမှာပါပဲ။
၆။စိတ်ကိုနည်းနည်းခြင်းပြုပြင်ယူလို့ ရပါတယ် ပြောင်းလဲယူဖို့ ခက်ခဲတယ် လွယ်ကူတယ်ဆိုတာတော့  self - control နဲ့ ဆိုင်ပါတယ်။ သေချာတစ်ခုကတော့  အလုပ်တစ်ခုကိုသူများတွေထက်စောစောလုပ်လိုက်တဲ့ လူတစ်ယောက်ဟာ စောစောအဆုံးသတ်သွားပါတယ် ။

၇။ပြောင်းလဲတတ်တဲ့ သဘောသဘ၀တစ်ခုတော့ရှိပါတယ်. ... အခြေအနေတစ်ခုအရ မိဘတွေနှစ်ဦးလုံးတစ်ပြိုင်နက်ဆုံးသွားတာမျိုး .... ကိုယ်.အရမ်းသံယောဇဉ်ရှိတဲ့လူတစ်ယောက်
့မျက်စေ.ရှေ.ကနေတမလွန်ကူးသွားတာမျိုးပေါ.။သူ့ စိတ်ကငါလုပ်မှရမယ်ဆိုပြီးတော.့ပြင်လိုက်တာပေါ့  တစ်ချို့ ကတော့ စိတ်ကိုလုံးဝချလိုက်ပြီးတော့ ငါဘ၀ ကမ္ဘာစစ်ဖြစ်ပြီဆိုပြီး လေလွင့် ဖျက်ဆီးပစ်လိုက်တယ် တန်ဖိုးရှိတဲ့ လူတစ်ယောက်ပျက်စီးသွားတတ်သလိုပဲ သူ့ ဘ၀မှာအရက်နဲ့ မိတ်ဖွဲ့ ပြီးစိတ်ဆင်းရဲမှုဒါဏ်ကို ခံစားချက်တစ်မျိုးနဲ့ လွှဲဖယ်လိုက်တာပေါ့ ။

၈။ဘ၀မှာဖြတ်သန်းလာတဲ့အခက်အခဲတွေ ဒုက္ခတွေကိုယ်တိုင်ဖြေရှင်းရတဲ့ပြသနာတွေက ရင့် ကျက်မှုတွေပါ မှားနေတဲ့ ကိုယ့် အမှားတွေကိုပြင်နိုင်ဖို့ လိုပါတယ် ။ လူတိုင်းအမှားနဲ့ တော့ မကင်းကြပါဘူး ။ဒါပေမဲ့ မှားချင်တိုင်းမှားနေရင်တော့ ကိုယ်တိုင်မပြင်နိုင်သရွှေ့  မိမိစိတ်ကိုအလိုလိုက်နေသရွှေ့  နောက်ဆက်တွဲရလဒ်တွေကတော့ မကောင်းနိုင်ပါဘူး။
၉။နောင်တ ဆိုတဲ့ စာလုံးလေးတစ်လုံးရှိပါတယ် .... ဆိုလိုတာကတော့ ကိုယ့် ကြောင့် ကိုယ်လုပ်လိုက်တဲ့  action တစ်ခုကြောင့် တစ်ပါးတစ်ယောက် သို့ မဟုတ် ကိုယ်တိုင် သာမာန်ထက်ပြင်းထန်စွာ စိတ်ခံစားလိုက်ရတာ ဒါမှမဟုတ် ရုပ်ပိုင်းဆိုင်ရာ ထိခိုက်နစ်နာသွားတာပါ။ တစ်ချို့ ကတော့မရည်ရွှယ်ပဲနဲ့  လောကအလှည့်အပြောင်းအရကံမကောင်းလို့ ဖြစ်သွားတာပေါ့။တစ်ချို့ ကတော့ မှန်တယ်ထင်လို့ လုပ်လိုက်တာပါ ပြီးမှ မှားမှန်းသိဆိုသလိုပေါ့ ဗျာ။
၁၀။အမှားတစ်ခုကြောင့်နောင်တ ရနေတဲ့ လူတစ်ယောက်ပြင်ရင်တော့ သေချာတယ်လုံးဝနောက်ကျသွားပြီ ပြန်ပြင်လို့ ကိုမရတော့ဘူး... ပြင်လို့ ရတာစိတ်တစ်ခုတည်းသာကျန်တော့တယ် ပြင်သင့် ပါတယ်သူများအကျိုးမဟုတ်တောင် ကိုယ့်အတွက်ပြင်လိုက်ပါ။
၁၁။တရားရုံးကစီရင်ချက်ချခါနီးတရားခံက အဲဒီ့ နေ့ မှသားမှားပြီမေမေရဲ့ ဆိုသလိုဖြစ်နေပါတယ်။ စာရေးသူများပြောကြသလိုပါပဲ လောကဓံကိုကြံကြံခံနိုင်ဖို့ လိုတယ်ဆိုတာ ဦးတည်ချက်ကလူတွေရဲ့ လုပ်ဆောင်မှုတွေကိုနှိုးဆော်မှုပေးနေတဲ့စိတ်ကိုပြောထားကြတာပါ။
ဦးနှောက်ကနောက်မှဆုံးဖြတ်ဖို့ တွက်ချက်တာပါ။
၁၂။လူတစ်ယောက်ဟာအရွယ်မတိုင်ခင်မိဘအုပ်ထိန်းမှုအောက်ကထွက်ခွါသွားတာနဲ့ သူ့ ဦးတည်ချက်ဟာ သူနေထိုင်တဲ့ ပတ်ဝန်းကျင် အတိုင်း ၇၅% လိုက်ပါပြောင်းလဲသွားပါတယ်။သူ့ ကိုယ်တိုင်ဆုံးဖြတ်ဖို့ အတွက်ရင့် ကျက်မှုနည်းသေးတဲ့ သူ့ ဦးနှောက်ကထောက်ပံ့ မှုမပြည့်ဝသေးတဲ့အတွက် မျက်လုံးကမြင်တာ နားကကြားတာကိုသူလုပ်ပါတယ် ။
၁၃။အခုစာဖတ်နေသူဟာ အသက်၂၀ကျော် ဒါမှမဟုတ် ၁၆ နှစ်ကျော်ပြီဆိုရင် တော့မိမိကိုယ်ကို မိမိပြန်မေးကြည့်ပါငါဘာမှားနေလည်းငါ့စိတ်ဓါတ်ကဘယ်လိုလည်း ငါ့အတွက်ငါပြင်ဖို့ သင့်ပြီလား?? ပြင်စရာရှိတာကိုပြင်လိုက်ပါ.... ဘ၀မှာဆုံးရှုံးနစ်နာမှုတွေအများကြီးကြုံတွေ့ လာမှပြင်မယ်ဆိုရင် so sorry သူငယ်ချင်း အဲဒါတွေကရင်းနှီးမှုတွေဖြစ်ကုန်မယ် ...။
၁၄။စာဖတ်ဖူးတဲ့ လူတော်တော်များများသိကြမှာပါ ....စာအုပ်ကောင်းကောင်းလေးတွေရှိပါတယ် ဖေမြင့်တို့ စိတ်ပိုင်းဆိုင်ရာနဲ့ လမ်းညွှန်စာအုပ်လေးတွေ အကြံပေးစာအုပ်လေးတွေပေါ့။ဖတ်ပြီးရင်အသိလေးတွေတော့ ၀င်လာကြပါတယ်။ဟုတ်တယ်ဒါတော့လုပ်မှဖြစ်မယ် ငါဒါလုပ်မယ် .....ဒါပေမဲ့ ခဏတာများကြပါတယ်.... ။မေ့ပျောက်ကုန်တယ် ....တစ်ချို့ ကတော့အများကြီးမဟုတ်တောင်နည်းနည်းလေးတော့ပြင်လိုက်နိုင်တယ်။ ဘ၀တစ်ခုလုံးကိုအကောင်းဘက် direction ပြောင်းပေးနိုင်လေကောင်းလေပါပဲ။
၁၅။စိတ်ကြံ့ ခိုင်မှုအပြည့်ရှိတဲ့ လူတွေရှိကြပါတယ် ရည်မှန်းချက်တစ်ခုကလွဲ အားလုံးကိုပစ်ပယ်ထားနိုင်သူတွေပေါ့ ။လက်ရှိဘ၀လက်ရှိအခြေအနေကို
ရဲ့ဝံ့စွာဖြတ်သန်းပြီးတော့ အကောင်းဆုံးမဖြစ်နိုင်ရင်တောင် ကောင်းတဲ့ဘက်ကိုစူးစမ်းကြည့်လိုက်ပါ။သင့်အတွက်စိတ်ချမ်းသာမှုလေးတွေ တွေ့ ကြုံလာမှာပါ။
၁၆။လူငယ်တွေသဘောသဘာဝအရ အချစ်ဆိုတဲ့စိတ်စွမ်းအားတစ်ခုကိုရင်ဆိုင်ရပါတယ်... ၉၀% ရင်ဆိုင်ကြရပါတယ်... ကမ္ဘာပေါ်မှာစိတ်စွမ်းအားအကြီးမားဆုံးလို့ ပြောကြပါတယ်။ အမုန်းစိတ်စွမ်းအားကတော့နည်းပါတယ် ....မေ့ပျောက်တာများပါတယ်.... အငြိုးအတေးကတော့အမုန်းနောက်ကဖြစ်လာတာပါ... ဒါပေမဲ့ပြင်းထန်ပါတယ်... ။
၁၇။အချစ်စိတ်ကြောင့်ကိုယ့်ကိုကိုယ်တောင်မသနားပဲ အဆုံးစီရင်ကြသူတွေလည်းကြားဖူးမှာပါ။ အဲဒီ့ပြသနာတွေအခုရင်ဆိုင်တွေ့ နေရပြီ။ဒါမှမဟုတ် တွေ့ လာခဲ့ရပြီဆိုရင် ကုရာနထ္တိ ဆေးမရှိဆိုသလိုပဲ ရှိလာကြတဲ့ သံယောဇဉ်အရ ခံစားချက်အနည်းအများနဲ့ ခံစားကြရပါတယ်။
၁၈။စိတ်ကိုဦးဆောင်နိုင်တာ ဦးနှောက်ပါ ငါဒီအချိန်မှာဘာလုပ်သင့် သလည်း။ငါ့ အတွက်ဘယ်လိုအခြေအနေမျိုးကအကောင်းဆုံးဖြစ်မလည်း။ကြာရင်တော့မမေ့ဘူးလို့ မပြောပါနဲ့ မေ့မှာပါ သတိရရင်တောင်ရံဖန်ရံခါပါ။ဦးနှောက်နဲ့ အချိန်ပေးပြီးစဉ်းစားပါလုပ်ချင်တာတွေကိုစွတ်မလုပ်ပါနဲ့ ။သူ့ ဘက်ကလာတဲ့  action ကို reaction တစ်ခုပေးဖို့ အတွက်လိုမလိုစဉ်းစားပါ။
၁၉။အခုခေါတ်မှာ အသက် ၂၀ ကျော်အရွယ်အထိမနှောင်းသေးပါဘူး ...သင့်ဘ၀အတွက်လုပ်မယ်ဆိုရင်အချိန်တွေများပါတယ်.... အချိန်ရင်းနှီးဖို့ လိုတာကိုရင်းနှီးလိုက်ပါ။ ကြိုးစားတဲ့ လူတစ်ယောက်အတွက် အောင်မြင်မှုရလဒ်တစ်ခုကအမြဲတန်းကြိုဆိုနေဆဲပါ။
၂၀။လူတွေကပြောကြပါတယ်အချိန်တွေက လူကိုမစောင့် ဘူး ....စောင့်နေခဲ့ တဲ့အချိန်တွေကြတော့လည်းအကျိုးရှိအောင်မစွမ်းဆောင်နိုင်ကြဘူး။ဖြစ်ချင်တာကိုဖြစ်အောင်လုပ်ပါ လုံးဝလက်မလျှော့ပါနဲ့ အားပေးဖေါ်မဲ့နေရင်တောင့် ကိုယ့်ရဲ့ စိတ်ကိုဦးနှောက်ကအားပေးပါ။
၂၁။ဘ၀တစ်ခုသာယာဖို့ ဆိုတာကလည်းမွေးလာခဲ့ တဲ့ ဇာတာနဲ့ ဆိုင်ပါတယ်.... ဘ၀တစ်ခုကိုပုံဖေါ်ဖို့ အတွက် စိတ်စွမ်းအားကိုသုံးပါ လိမ္မာပါးနပ်စွာလျှောက်လှမ်းပါ... မြင့် မားတဲ့ တောင်ကိုတက်ချင်ရင်နားနားပြီးတက်ပါ... မလောပါနဲ့ ...ပေးရတဲ့ အချိန်တွေကိုလည်းတန်ဖိုးရှိစွာအသုံးချပါ။