ဆေးယဉ်တီဘီ ရောဂါရှင်များအတွက် ပိုးမွေးကုထုံး စတင်အသုံးပြု

တီဘီရောဂါရှင်များအား ကုသပေးနေသည့် ဆေးလေးမျိုးပေါင်းကုထုံး (dots)မှာ ဆေးယဉ်တီဘီ ရောဂါရှင်များအတွက် ဆေးမတိုးတော့ သဖြင့် ဒုတိယအဆင့် ပိုးမွေး၍ ကုသသည့်ကုထုံးကို စတင်အသုံးပြုခြင်း ဖြစ်ပြီး ထိုကုထုံးမှာ ကုန်ကျစရိတ်များပြား၍ အနည်းငယ်သော လူနာများကိုသာ ဆေးအခမဲ့ပေးနိုင်ကြောင်း သတင်း ရရှိသည်။ ဆေးယဉ်တီဘီရောဂါရှင်များ များပြားလာသည့်အတွက် ထိုကုထုံးကို ပြောင်းလဲအသုံးပြုခြင်း ဖြစ်ြပီး ထိုကုထုံးမှာ ကုန်ကျစရိတ်များပြား၍ အနည်းငယ်သော လူနာများကိုသာ ဆေးအခမဲ့ ပေးနိုင်သေးကြောင်း ရန်ကုန်ဆေးရုံကြီးမှ ပါမောက္ခတစ်ဦးက ပြောသည်။


“ dotsကုထုံးသစ်က အခမဲ့ရနိုင်တဲ့အပြင် အပြင်မှာဝယ်သောက်တယ် ဆိုရင်တောင် တစ်လကို သုံးလေးသောင်းလောက်ပဲ ကုန်ကျ နိုင်တယ်။ အခုကုထုံးသစ်အတွက် ဆေးကတော့ အခမဲ့မရနိုင်တဲ့အပြင် တစ်လကို သုံးလေးသိန်းလောက် ကုန်ကျနိုင်ပါတယ် ”ဟု အဆိုပါ ပါမောက္ခက ပြောသည်။ ပိုးမွေးပြီး ကုသသည့်ကုထုံးမှာ ပထမ dotsကုထုံးဖြင့် ကုသသော်လည်း ရောဂါမသက်သာသည့် အခါ သလိပ်စစ်ဆေးပြီး ရောဂါဖြစ်သည့် ပိုးအမျိုးအစားအား တိုက်ရိုက် ဆေးပေး၍ ကုသခြင်းမျိုးဖြစ်ကြာင်း အဆိုပါဆရာဝန်က ပြောသည်။


တီဘီရောဂါ ဖြစ်ပွားပါက ဆေးလေးမျုိး ပေါင်းစပ်ထားသည့် dotsကုထုံးအား ၆လသောက်ရပြီး ဆေးအားစနစ်တကျ အချိန်ပြည့် သောက်ြကသည့်အခါ ဆေးယဉ်တီဘီသည်များ ဖြစ်လာကြသည်။ ထိုသူများတွင် ဆေးမတိုးတော့ခြင်း၊ အခြားသူများသို့ ကူးစက်သည့်အခါ ဆေးယဉ်တီဘီ အဖြစ်ကူးစက်ပြီး ထိုသူများတွင်လည်း ပထမကုထုံးအား မတိုးတော့သည့် ပြဿနာများပါ ကြုံတွေ့ကြရကြောင်း သိရသည်။ “ဆေးကို စနစ်တကျ မသောက်ကြတဲ့အတွက် ဆေးယဉ်တီဘီ ဝေဒနာရှင်တွေ တဖြည်းဖြည်း ပိုမိုများပြားလာတယ်”ဟု အဆိုပါ ပါမောက္ခက ပြောသည်။


လူနာများမှာ ဆေးသောက်ရန် ပျက်ကွက်ခြင်း၊ တီဘီဆေးကို စုပ်ယူမှုမရှိခြင်း ၊ ဆေးဆိုးကျိုးများအား ကျန်းမာရေးဗဟုသုတ နည်းပါးခြင်း၊ ငွေကြေးမပြည့်စုံခြင်း စသည်တို့ကြောင့် ဆေးယဉ်တီဘီ ရောဂါရှင်များ များပြားလာခြင်း ဖြစ်ကြောင်း မြန်မာနိုင်ငံ ဆရာဝန်အသင်းတွင် ပြုလုပ်ခဲ့သည့် တီဘီရောဂါနှင့် ပတ်သက်သော အမြင်သစ်များ ဟောပြောပွဲတွင် အထူးကုသမားတော်ကြီး ပါမောက္ခဦးဝင်းနိုင်က ပြောသည်။ “ဒုတိယကုထုံးမှာ နေရာတိုင်းမှာလဲ ရောင်းတာမဟုတ်ဘူး။ ဆေးခန်းတချို့မှာပဲ ရောင်းတဲ့အပြင် အဆုတ်အထူးကု ဆရာဝန်ကြီးရဲ့ လက်မှတ်တွေ အဆင့်ဆင့်ထိုးထားတဲ့ ဆေးစာနဲ့ပဲရောင်းတယ်" ဟု ရန်ကုန်ဆေးရုံကြီးမှ ပါမောက္ခက ပြောသည်။ ထိုကုထုံးယူနေသည့် လူအနည်းငယ်ကို အောင်ဆန်းတီဘီရောဂါကု ဆေးရုံကြီးတွင် ဆေးအခမဲ့ ပေးနေကြောင်း သိရသည်။

မိခင်လောင်းဘ၀တွင် ပိုအလေးထားရမည့် “သွား”

ကျွန်တော်ငယ်ငယ်က အဘွားအမြဲ ပြောတတ်လို့ မှတ်မိနေတဲ့ စကားလေးတစ်ခွန်း ရှိတယ်။ "ကိုယ်ဝန်ဆောင် မိခင်ဆိုတာ တစ်နေ့သင်္ချိုင်းကို မျက်စောင်းသုံးခါ ထိုးတယ်" တဲ့။ ကလေးဘ၀တုန်း ကတော့ ကိုယ်ဝန်ဆောင် အမျိုးသမီးတွေက ဘာဖြစ်လို့များ သင်္ချိုင်း တစ်နေ့သုံးကြိမ် မျက်စောင်း သွားသွားပြီး ထိုးပါလိမ့်လို့ ခပ်ကြောင်းကြောင်း တွေးခဲ့မိတယ်။


သွားနှင့်ခံတွင်း အလုပ်သင် ဆရာဝန်ဘ၀ ရောက်တော့ မေးရိုးနှင့် ခံတွင်း ခွဲစိတ်ကုသမှု ဌာနမှာ တာဝန် ကျနေတုန်း ကိုးလ နီးပါး ကိုယ်ဝန်လွယ်ထားတဲ့ အမျိုးသမီး တစ်ဦး အရေးပေါ် ဌာနကိုရောက်လာခဲ့ ပါတယ်။ သွားပိုးစား ရောဂါကနေ တစ်ဆင့် ပိုးဝင်ကာ မျက်နှာတစ်ခြမ်း ရောင်ရမ်းပြီး ခန္ဓာကိုယ် တစ်ခုလုံး ပိုးပျံ့နှံ့တဲ့ ရောဂါ လက္ခဏာတွေနဲ့ ဖြစ်ပါတယ်။ ပိုးသတ်ဆေးတွေ သွင်းပြီး ခက်ခက်ခဲခဲ ကုသနေတဲ့ အချိန်အတွင်းမှာ ကလေးလည်း မီးဖွားခဲ့ရ သေးတယ်။ လူနာရော၊ လူနာရှင်တွေမှာ ဘယ်လောက်တောင် ဒုက္ခ ခံစားခဲ့ကြရမလဲ ဆိုတာ တွေးကြည့်ရုံနဲ့ တင် သိရှိနိုင် ပါတယ်။


ကိုယ်ဝန်ဆောင်တယ် ဆိုတာ အမျိုးသမီး တစ်ယောက်ရဲ့ ဘ၀မှာ ထူးခြား မွန်မြတ်လှတဲ့ အချိန်အခါ သမယတစ်ခု ဖြစ်သလို အန္တရာယ် အချိန်မရွေး ကြုံနိုင်တဲ့ကာလ တစ်ခုလည်း ဖြစ်ပါတယ်။ ခန္ဓာကိုယ်တွင်းမှာ ဟော်မုန်း ပြောင်းလဲမှု တွေကြောင့် ပင်ပန်း နွမ်းလျမှုတွေ၊ အော့အန်မှု တွေနဲ့ ကိုယ်ဝန်ဆောင် မိခင်လောင်းတွေရဲ့ ဒုက္ခဟာ မသေးလှပါဘူး။ ဒီလို ဒုက္ခတွေ ကြားထဲမှာ ကိုယ်ဝန် တကားကားနဲ့ သွားဆေးခန်းတွေ၊ ဆေးရုံတွေကို ရောက်လာကြတဲ့ ကိုယ်ဝန်ဆောင် မိခင်တွေ မနည်းလှပါဘူး။ သွားကိုက်လို့၊ သွားဖုံးတွေ ရောင်ရမ်းလို့ သွားဖုံးက သွေးတွေ ယိုလို့၊ သွားဖုံး အဖုအကျိတ်တွေ ထွက်လို့ အမျိုးမျိုးသော ရောဂါတွေနဲ့ ရောက်လာကြ ပါတယ်။


ကိုယ်ဝန်ဆောင် မိခင် တစ်ယောက်မှာ ကိုယ်ဝန်ဆောင်ခြင်းကြောင့် ခန္ဓာကိုယ်မှာ ဟော်မုန်း အပြောင်းအလဲတွေ ဖြစ်ပြီး သွားဖုံးရောင်ရောဂါ အပြင် သွားပိုးစားရောဂါ ဖြစ်ပွားနိုင်မှု များကို တိုးပွားစေ ပါတယ်။ ဒါကြောင့် ကိုယ်ဝန်ရှိစဉ် အတွင်းနဲ့ ကလေးမီးဖွားပြီး အချိန်တွေမှာ သွားနှင့် ခံတွင်း ကျန်းမာရေးကို ဂရုစိုက်သင့် ပါတယ်။ အကောင်းဆုံး ကတော့ ကိုယ်ဝန် မယူခင် ကတည်းက သွားနှင့် ခံတွင်း ကျန်းမာရေး စောင့်ရှောက်မှုကို သေချာယူထားတာ အကောင်းဆုံး ဖြစ်ပါတယ်။

ကိုယ်ဝန်မဆောင်ခင် “သွား” ကျန်းမာရေး စောင့်ရှောက်မှု ကြိုတင်ခံယူခြင်း


ကိုယ်ဝန်ဆောင် မိခင်တစ်ယောက် အနေနဲ့ ကိုယ်ဝန် ဆောင်မယ်လို့ စိတ်ကူးတဲ့ အချိန် ကတည်းက သွားနှင့် ခံတွင်း ကျန်းမာရေးကို သေချာ ဂရုတစိုက် ကြိုတင်၍ ကုသမှု ခံယူသင့် ပါတယ်။ ဘာဖြစ်လို့လဲ ဆိုရင် အကြမ်းဖျင်းအားဖြင့် ကိုယ်ဝန်ဆောင် ကာလ ကိုးလကို သုံးပိုင်း ခွဲကြည့်လျှင် ပထမ သုံးလ၊ ဒုတိယ သုံးလနဲ့ တတိယ သုံးလလို့ တွေ့နိုင်ပြီး ပထမ သုံးလနှင့် တတိယ သုံးလ အတွင်းမှာ သွားနှင့် ခံတွင်း ရောဂါ တစ်ခုခု ခံစားရပါက ကုသရန် ခက်ခဲသောကြောင့် ဖြစ်ပါတယ်။


ကိုယ်ဝန်ဆောင် ကာလ ပထမသုံးလ အချိန်အတွင်းမှာ သန္ဓေသားရဲ့ အင်္ဂါ အသီးသီး စတင် ဖြစ်ပွားရတဲ့ ကာလ ဖြစ်ပါတယ်။ ယင်းကာလ အတွင်းမှာ သန္ဓေသား ဖြစ်ပွားမှုကို အနှောင့်အယှက် ဖြစ်စေမယ့် ဓာတ်မှန် ရိုက်ခြင်း၊ တချို့သော ဆေးဝါးများ သောက်သုံးခြင်း၊ စိတ်ဖိစီးမှု ဖြစ်ခြင်း စသည်တို့ကို ရှောင်ကြဉ်ရမယ်။ အကယ်၍ တစ်စုံတစ်ရာ အမှားအယွင်း ပြုလုပ်ခဲ့မိပါက သန္ဓေသားရဲ့ကိုယ်အင်္ဂါ ဖြစ်ပွားမှုမှာ ပြဿနာ ပေါ်စေပြီး အင်္ဂါမစုံတဲ့ ကလေးကို မွေးဖွားလာနိုင် ပါတယ်။


ဒီလိုပါပဲ နောက်ဆုံး သုံးလမှာလည်း သန္ဓေသားရဲ့ ကြီးထွားလာမှုကြောင့် သွားခံတွင်း ကျန်းမာရေး ကုသမှု ခံယူဖို့ ဆေးကုသမှု ခံယူသော ခုံပေါ်မှာ အချိန် ကြာမြင့်စွာ ထိုင်ဖို့ မဖြစ်နိုင်ပါဘူး။ ဘာဖြစ်လို့လဲ ဆိုတော့ သန္ဓေသားက Inferior Vena Cava လို့ ခေါ်တဲ့ သွေးကြောကို ဖိထားသလို ဖြစ်ပြီး သွေးပေါင်ချိန် ရုတ်တရက် ကျဆင်းလာကာ သတိလစ် မေ့မြောသွားတတ် တာကြောင့် ဖြစ်ပါတယ်။ ဒါ့အပြင် တချို့သော ထုံဆေးမှာ ပါဝင်တဲ့ ဆေးတစ်မျိုးဟာ သားအိမ်ကို ညှစ်ရာမှာ လှုံ့ဆော်ပေးတဲ့ ဟော်မုန်း တစ်မျိုးရဲ့ အစွမ်းသတ္တိနဲ့ တူနေတာမို့ ကလေး ပျက်ကျခြင်း ကိုလည်း ဖြစ်စေပါတယ်။


အထက်ပါ ကိစ္စများကြောင့် ကိုယ်ဝန် မဆောင်ခင် ကိုယ်ဝန်ယူမယ်လို့ ဆုံးဖြတ်ထားတဲ့ အချိန်က စပြီး သွားဘက်ဆိုင်ရာ ဆရာဝန်တွေနဲ့ ကြိုတင်ပြသ စစ်ဆေးပြီး သွားကျောက်များကို သန့်ရှင်းရေး ပြုလုပ်ခြင်း၊ သွားဖုံး ကျန်းမာရေးကို ဂရုစိုက်ခြင်း၊ သွားပိုးစားထားတဲ့ ပိုးပေါက်တွေ ရှိပါက သွားဖာခြင်း၊ ဆေးကုသခြင်း များကို ပြုလုပ်ထားသင့် ပါတယ်။ ကိုယ်ဝန်ဆောင်စဉ်မှာ သွားရောဂါ တစ်ခုခု ခံစားရပါက ဆေးကုသမှု ခံယူရန် ခက်ခဲပြီး အခန့်မသင့်လျှင် ကလေးအား ထိခိုက်နိုင်သည်ကို သတိပြုသင့် ပါတယ်။


ကိုယ်ဝန်ဆောင်နေစဉ် အတွင်း သွားကျန်းမာရေး စောင့်ရှောက်မှု ခံယူခြင်းနှင့် ဖြစ်ပွားတတ်သော သွားနှင့်ခံတွင်း ရောဂါများ


ကိုယ်ဝန်ဆောင် အမျိုးသမီး တော်တော်များများဟာ ကိုယ်ဝန်ဆောင် အစောပိုင်း ကာလများမှာ အန်တတ် ပါတယ်။ အဲဒီလို အန်ရာမှာ အစာအိမ် အတွင်းမှ အက်ဆစ်ရည်တွေ ပါလာတတ်ပြီး ယင်းအက်ဆစ် များက သွားများကို စားသွားနိုင်ပါတယ်။ ထိုမှ တစ်ဆင့် သွားပိုးစား ရောဂါရှိပါက ပိုမိုဆိုးဝါး သွားစေနိုင် ပါတယ်။ ဒါကြောင့် အန်ပြီးတိုင်း ရေနဲ့ သေချာစွာ ပလုတ်ကျင်းဖို့ လိုအပ်ပါတယ်။ ပျို့ချင်၊ အန်ချင်တာကြောင့် သွားတိုက်ခြင်းကို မပျက်ကွက်စေရန် အထူး ဂရုပြုသင့် ပါသည်။


ကိုယ်ဝန်ဆောင်စဉ် ကာလမှာ ထင်ရှားတဲ့ သွားနှင့်ခံတွင်း ရောဂါလက္ခဏာ တစ်ခုကတော့ သွားများ ယိုင်နဲ့လာတတ်ခြင်း ဖြစ်ပါတယ်။ ယင်းသို့ ဖြစ်ပွားရခြင်းမှာ ကိုယ်ဝန်ဆောင်နေစဉ် အတွင်း အီစတိုဂျင် (Estrogen) နဲ့ ပရိုဂျက်စတုန်း (Progestrone) ဟော်မုန်း ပမာဏများ ခန္ဓာကိုယ် အတွင်း မြင့်မားလာခြင်းကြောင့် ကိုယ်ဝန်ဆောင် သွားဖုံးရောင် ရောဂါ (Pregnancy Gingivitis) ဖြစ်ပွားတာကြောင့် ဖြစ်ပါတယ်။ ကိုယ်ဝန်ဆောင် အမျိုးသမီး များရဲ့ ၅၀ ရာခိုင်နှုန်း အထက်မှာ ဖြစ်ပွားလေ့ ရှိပါတယ်။ တချို့ ကိုယ်ဝန်ဆောင် အမျိုးသမီးများတွင် သွားဖုံးရောင် ရောဂါအပြင် သွားဖုံးမှ သွေးယိုခြင်း၊ သွားဖုံးမှ အဖုအကျိတ် ထွက်ခြင်း (Pregnancy Tumour) များပါ ဖြစ်ပွားတတ် ပါတယ်။


ကိုယ်ဝန်ဆောင်ကာလ သွားနှင့် ခံတွင်း ဆေးကုသမှု ခံယူရာတွင် လိုက်နာသင့်သည့် အချက်များ


ကိုယ်ဝန်ဆောင်နေစဉ် အတွင်း တခြားသော ကျန်းမာရေး စောင့်ရှောက်မှုများ ခံယူသကဲ့သို့ သွားနှင့် ခံတွင်း ကျန်းမာရေး စောင့်ရှောက်မှု များကိုလည်း ခံယူသင့် ပါတယ်။ ယင်းကဲ့သို့ ကုသမှု ခံယူရာတွင် သတိပြု လိုက်နာသင့်သော အချက်များမှာ -


- ကိုယ်ဝန် ဆောင်နေကြောင်း သွားဘက်ဆိုင်ရာ ဆရာဝန်ကို သေချာ ပြောပြရပါမယ်။ အဘယ့်ကြောင့် ဆိုသော် ပထမ သုံးလနဲ့ နောက်ဆုံး မွေးဖွားခါနီး သုံးလအတွင်း သွားရောဂါ ကုသမှုများကို တတ်နိုင်သမျှ မပြုလုပ်ရန် လိုအပ်သောကြောင့် ဖြစ်ပါတယ်။ ယင်းကာလများ အတွင်း ရောဂါဝေဒနာ လုံးဝ ပျောက်ကင်းအောင် ကုသခြင်းမျိုးထက် ဝေဒနာ သက်သာစေလောက်သော ကုသမှု များကိုသာ ကုသပေးတတ် ပါတယ်။ မဖြစ်မနေ ကုသရမယ့် ရောဂါများ ရှိရင် ဒုတိယ သုံးလ အတွင်း ခံယူနိုင် ပါတယ်။


- သွားဘက်ဆိုင်ရာ ဆရာဝန်ကို မိမိ သောက်သုံးနေသော ကိုယ်ဝန်ဆောင် အားဆေးမှ စ၍ တခြားသော ဆေးများကို အမည်နဲ့ တကွ သေချာစွာ ပြောပြရန် လိုအပ်ပါတယ်။ ဒါ့အပြင် သားဖွားမီးယပ် ဆရာဝန်ရဲ့ ညွှန်ကြားထားတဲ့ အချက်အလက် များကိုလည်း သေချာစွာ ပြောပြသင့် ပါတယ်။ ယင်းအချက်အလက် များကို အခြေခံပြီး သွားဆရာဝန်များ အနေနဲ့ ကုသမှု အစီအစဉ် (Treatment Plan) ကို သေချာစွာ ချမှတ်နိုင်မှာ ဖြစ်လို့ ဖြစ်ပါတယ်။


- ကိုယ်ဝန်ဆောင် နေစဉ် သွားနာ သွားကိုက်ခြင်း၊ သွားဖုံးရောင်ခြင်းများ ဖြစ်ပွားလျှင် သွားဆရာဝန်နဲ့ မပြသဘဲ မိမိ သဘောဖြင့် နီးစပ်ရာ ဆေးစပ်ရောင်းသော ဆိုင်များမှာ စပ်ဆေးများ ၀ယ်သောက်ခြင်းကို လုံးဝ မပြုလုပ်ရန် အထူး သတိပြုသင့် ပါတယ်။ ကိုယ်ဝန်ဆောင်စဉ် တချို့သော ဆေးဝါးများ ဥပမာ အားဖြင့် Tetracycline, Aspirin, Benzodiazepines, Erythromycin Estolate စသည် တို့ဟာ သောက်သုံးရန် မသင့်တော်သောကြောင့် ဖြစ်ပါသည်။


- ကိုယ်ဝန်ဆောင် ကာလအတွင်း ဓာတ်မှန်ရိုက်ခြင်းကို တတ်နိုင်သမျှ ရှောင်ကြဉ်ရန် လိုအပ်ပြီး မဖြစ်မနေ ရိုက်ရမယ် ဆိုလျှင် Lead အကာအကွယ် ပစ္စည်းကို အသုံးပြုသင့် ပါတယ်။


- အရေးအကြီးဆုံးမှာ ကိုယ်ဝန် ဆောင်နေရသဖြင့် သွားနှင့် ခံတွင်း ဆေးခန်း ပြသမှုကို ရပ်ဆိုင်းရန် မလိုအပ်ပေ။ ကိုယ်ဝန် ဆောင်နေစဉ် အတွင်း သွားဖုံး ရောင်ရမ်းခြင်း၊ သွားဖုံးမှ သွေးယိုခြင်း၊ သွားဖုံးမှ အဖုအကျိတ်များ ထွက်ခြင်း စသည်တို့မှာ အချိန်မရွေး ဖြစ်ပွားနိုင်သဖြင့် သွားဖုံးနဲ့ သွားများကို ပုံမှန် စစ်ဆေးမှု ခံယူသင့် ပါတယ်။ ယင်းရောဂါများသည် အများအားဖြင့် ဟော်မုန်း အပြောင်းအလဲများကြောင့် ဖြစ်ပွားရခြင်း ဖြစ်ပြီး သေချာ ဂရုစိုက် စောင့်ကြည့်ရန် လိုအပ်လှ ပါတယ်။ တချို့မှာ ကလေး မွေးဖွားပြီးပါက အလိုလို ပျောက်ကင်း သွားနိုင်သော်လည်း တချို့ ရောဂါများမှာ ကလေး မွေးဖွားပြီးမှ ဆက်လက် ကုသရခြင်း မျိုးလည်း ရှိတတ်ပါတယ်။ ဒါကြောင့် ကျွမ်းကျင်သူ ဆရာဝန်နဲ့ ပြသ တိုင်ပင်ပြီး သွားကျန်းမာရေး ပြဿနာများကို လျှော့ချနိုင် ပါတယ်။


ကလေး မွေးဖွားပြီးနောက် သွားနှင့် ခံတွင်းကုသမှု ခံယူခြင်း


ကိုယ်ဝန်ဆောင်စဉ် အတွင်း ဖြစ်ပွားခဲ့သော သွားဖုံးရောင် ရောဂါ၊ သွားဖုံး၌ အဖုအကျိတ် ထွက်ခြင်း စတဲ့ ရောဂါတွေကို ကလေး မွေးဖွားပြီးနောက် ဆက်လက် ခံစားနေရတယ် ဆိုရင် သွားဘက်ဆိုင်ရာ ဆေးခန်းကို သွားရောက်ပြီး ဆရာဝန်နဲ့ ကုသမှု ခံယူသင့် ပါတယ်။ ဒါ့အပြင် မွေးဖွားထားတဲ့ ရင်သွေးငယ်မှာ ခြောက်လ အရွယ်က စပြီး သွားကလေးများ စတင် ပေါက်လာမှာ ဖြစ်လို့ ကလေးငယ်ရဲ့ သွား ကျန်းမာရေးကိုပါ ကြိုတင် ဆွေးနွေးပြီး အကြံဉာဏ်များ ယူနိုင်ပါတယ်။ ကလေးငယ်များတို့ သွားပေါက်တဲ့ အချိန်က စပြီး သွားကလေးများ ဂရုတစိုက် ပြုစုပေးခြင်း၊ သန့်ရှင်းရေး ပြုလုပ်ပေးခြင်း တို့ကို ပြုလုပ်ပေးရင် နိုပိုးလို့ ခေါ်တဲ့ သွားပိုးစား ရောဂါကို ကာကွယ်နိုင်မှာ ဖြစ်ပြီး အသက် ငယ်ငယ်ကလေးနဲ့ သွား နုတ်ရခြင်း၊ သွားကိုက် ဝေဒနာကို အရွယ်နဲ့ မမျှအောင် ခံစားရခြင်း စသည်တို့ကို ရှောင်ရှားနိုင်မှာ ဖြစ်ပါတယ်။ အဲဒါကြောင့် ကိုယ်ဝန်ဆောင် အမေများ အနေနဲ့ ကိုယ်ဝန်ဆောင် ကာလအတွင်း သာမက မီးဖွားပြီး အချိန်များတွင်ပါ မိမိရော၊ မိမိ ကလေးငယ်ကိုပါ သွားနှင့်ခံတွင်း ရောဂါများကို သေချာစစ်ဆေး ဂရုစိုက် စောင့်ရှောက်ရန် လိုအပ်လှ ပါတယ်။


အမျိုးသမီး တစ်ဦးအတွက် ကိုယ်ဝန်ဆောင် ကာလ ဆိုသည်မှာ ကြည်နူး ဆွတ်ပျံ့ဖွယ်၊ လွမ်းမောဖွယ်၊ ထိတ်လန့်ဖွယ် စသော ခံစားမှု ပေါင်းစုံကို ခံစားရသော အချိန်ကာလ တစ်ခုပင် ဖြစ်ပါတယ်။ ယင်းကဲ့သို့ အန္တရာယ်မျိုးစုံ အကြားမှာ ရုန်းကန်နေရတဲ့ အချိန်ကာလ အတွင်းမှာ သတိပြုသင့်၊ ဂရုစိုက်သင့်တဲ့ သွားနှင့်ခံတွင်း ဆိုင်ရာ ကျန်းမာရေး အချက်အလက် များကို သိရှိပြီး မိမိကိုယ်တိုင် သာမက သားငယ်၊ သမီးငယ် များရဲ့ ဘ၀အစ အချိန်ကလေးမှ စ၍ ဂရုစိုက်နိုင် စေရန် ဆန္ဒပြုလိုက် ရပါတယ်။

ဂျင်းစားသုံးခြင်းဖြင့် ကြွက်သားများနာကျင်မှုကို လျှော့ချနိုင်

မီးဖိုချောင်သုံး ဂျင်းအား အစိမ်းအတိုင်း နေ့စဉ် အနည်းငယ်စားသုံးပါက လေ့ကျင့်ခန်း လုပ်ပြီးနောက် ဖြစ်ပေါ်လာသော ကြွက်သားများ နာကျင်မှုကို သက်သာစေနိုင်ကြောင်း သုတေသနတစ်ရပ်က ဖော်ပြသည်။ ပျို့အန်ခြင်းနှင့် နေမထိထိုင်မသာ ဖြစ်ခြင်းများအတွက် ဂျင်းကိုဆေးအဖြစ် အသုံးပြုနေသည်မှာ ကြာပြီဖြစ်သလို ဂျင်းတွင် အခြားအစွမ်းထက်သော သတ္တိများလည်း ရှိကြောင်းနှင့် မကြာသေးမီက ပြုလုပ်ခဲ့သည့် လေ့လာမှုတစ်ခုတွင် အမှုန့်ပြုလုပ်ထာားသော ဂျင်းသည် အမျိုးသမီးများ၏ သားအိမ်ကင်ဆာ ဆဲလ်များကိုပင် သေစေနိုင်ကြောင်း တွေ့ရှိထားသည်။


ယခုနောက်ဆုံး စမ်းသပ်မှုတွင် အမေရိကန် သိပ္ပံပညာရှင်များသည် လူအုပ်စုတစ်စုအား ၃စုခွဲပြီးနောက် လက်မောင်း လေ့ကျင့်ခန်းများကို ပြုလုပ်စေခဲ့သည်။ ပထမအုပ်စုအား ဂျင်းအစိမ်းလိုက်၂ဂရမ်ခန့်ကျွေး၍ ဒုတိယအုပ်စုအား ပြုတ်ထားသော ဂျင်းကို စားသုံးစေခဲ့သည်။ တတိယအုပ်စုကိုမူ အခြားအစားထိုး အရာတစ်ခု စားသုံးစေခဲ့သည်။ ၂၄နာရီ ကြာပြီးနောက် ၎င်းတို့အား ပြန်လည်စမ်းသပ်ခဲ့ရာတွင် ဂျင်းအစိမ်းလိုက် စားသောအုပ်စုမှာ ၂၅ရာခိုင်နှုန်းခန့် နာကျင်ခြင်း ခံစားရမှု လျော့ပါးနေပြီး အပူပေးထားသော ဂျင်းစားသုံးသူများတွင် ၂၃ ရာခိုင်နှုန်း လျော့ပါးနေကြောင်း သုတေသီများက တွေ့ရှိခဲ့ကြသည်။ ထို့အတွက် ဂျင်းသည် နာကျင်မှုကို သက်သာစေသော သတ္တိရှိကြောင်း သုတေသီများက ပြောကြားသည်။

ဦးနှောက်တွင် အကျိတ်ဖြစ်ခြင်း

ကိုယ်ခန္ဓာ တစ်ခုလုံး၏ လှုပ်ရှားမှုကို ထိန်းချုပ်ထားသော ဦးနှောက်သည် ဆန်းကြယ်ရှုပ်ထွေးသော အစိတ်အပိုင်းများဖြင့် တည်ဆောက်ထားပြီး အသိဉာဏ် မှတ်ဉာဏ် အပြုအမူများအား ထိန်းချုပ်သည့် နေရာ၊ လက်လှုပ်၊ ခြေလှုပ်စသည့် လှုပ်ရှားမှုများအား ထိန်းချုပ်သည့်နေရာ၊ စကားပြော အမြင်အာရုံအား ထိန်းချုပ်သည့်နေရာ လည်းဖြစ်သည်။ ထိုကဲ့သို့ လှုပ်ရှားမှုအား ထန်းချုပ်ထားသည့် ဦးနှောက်တွင် ပြဿနာ တစ်ခုခုဖြစ်ပါက ထိုလှုပ်ရှားမှု စနစ်များ ပျက်ယွင်းသွားလေ့ရှိသည်။

ဦးနှောက်နှင့် အာရုံကြော ခွဲစိတ်ဌာနသို့ ရောက်လာသည့် လူနာများ၏ ၆၀ ရာခိုင်နှုန်းမှာ ပုံမှန်အားဖြင့် ဦးနှောက်တွင် မတော်တဆ ထိခိုက်မှု တစ်ခုခုကြောင့် ရောက်လာသည့် လူနာများဖြစ်ပြီး ဒုတိယအများဆုံးမှာ ဦးနှောက်တွင် အကျိတ်ဖြစ်သည့် လူနာများ ဖြစ်ကြောင်း ရန်ကုန် ဆေးရုံကြီး ဦးနှောက်နှင့် အာရုံကြော ခွဲစိတ်ဌာနမှ ခွဲစိတ်အထူးကု ဆရာဝန် ပါမောက္ခ ဦးဝင်းမြိုင် ကပြောသည်။ "ဒီဦးနှောက်နှင့် အာရုံကြော ခွဲစိတ်ကုဌာန နှစ်ထပ်လုံးမှာ ဦးနှောက် အကျိတ်ရောဂါရှင် တစ်လကို အယောက် ၂၀ကနေ ၃၀ကြားခွဲစိတ် နေရတယ်" ဟု အဆိုပါ ဆရာဝန်က ပြောသည်။

ဦးနှောက်တွင် အကျိတ်ဖြစ်ခြင်းသည် ကလေးလူကြီး မရွေးဖြစ်ပွားနိုင်ပြီး နေထိုင်မှုပုံစံ၊ အစားအသောက် မျိုးရိုးများနှင့် သက်ဆိုင်ခြင်း မရှိကြောင်း သိရသည်။ "ဦးနှောက်အကျိတ် ဖြစ်တာက အဲဒါတွေနဲ့ ဆက်စပ်မှု ရှိမရှိ ဆိုတာတော့ အခုအချိန်ထိ မသိနိုင်သေးပါဘူး" ဟု ပါမောက္ခ ဦးဝင်းမြိုင်ကပြောသည်။ ဦးနှောက်တွင် အကျိတ်ဖြစ်သည့် အခါ ကလေးများတွင် များသောအားဖြင့် ကင်ဆာ အမျိုးအစား ထဲတွင် ပါဝင်လေ့ရှိသည်။ လူကြီးများတွင် ရိုးရိုးအကျိတ်နှင့် ကင်ဆာအကျိတ်များ ဖြစ်ပွားလေ့ ရှိကြောင်းသိရသည်။

ကလေးများ၏ ဦးနှောက်တွင် အကျိတ်ဖြစ်ပေါ် သည့်အခါ စကားမပြောနိုင်သည့် အရွယ်တွင် ကလေးမှာ ငိုနေခြင်း၊ ဂျီကျခြင်း၊ မှိန်းခြင်း၊ အန်ခြင်း၊ လမ်းလျှောက်တတ် သည့်အရွယ်တွင် လမ်းမလျှောက် နိုင်၍ လဲကျခြင်းတို့မှာ ဦးနှောက် အကျိတ်ရောင်ခြင်း၏ လက္ခဏာ များဖြစ်သည်။ လူကြီးများတွင်လည်း ခေါင်းကိုက်ခြင်း၊ အရှိန်ဖြင့်အန်ခြင်း၊ မျက်စိများေ၀၀ါးခြင်း၊ ပုံရိပ်များ ထပ်ခြင်း၊ လေဖြတ်သကဲ့သို့ ခန္ဓာကိုယ်တစ်ခြမ်း လေးလံခြင်း၊ တက်ခြင်းတို့မှာ ဦးနှောက်အကျိတ် ရောင်ခြင်း၏ ရောဂါလက္ခဏာ များဖြစ်ကြောင်း ဒေါက်တာဦးဝင်းမြိုင် ကပြောသည်။

"လူကြီးတွေမှာ အကျိတ်ကြောင့် ခေါင်းကိုက်တဲ့ ပုံစံက သိသာတယ်။ မနက်အိပ်ရာထ တဲ့အချိန်တိုင်း နေ့တိုင်းဖြစ်ပြီး ကျန်တဲ့အချိန်မှာတော့ ခေါင်းကိုက်တာ မျိုးမရှိဘူး။ ပြီးတော့ အကျိတ်ဖြစ် ပေါ်တဲ့နေရာ ပေါ်မူတည်ပြီး ရောဂါလက္ခဏာ တွေပြသတယ်" ဟု အဆိုပါ ဆရာဝန်က ပြောသည်။ အချိန်မီ ဆေးကုသမှု မရှိသည့်အခါ လူနာသည် တဖြည်းဖြည့် မှိန်းလာပြီး နောက်ဆုံး အဆင့်တွင် အသက်ဆုံးရှုံး သည်အထိ ဖြစ်ပွားနိုင်ကြောင်း သိရသည်။ "အရင်ကတည်းက ဒီရောဂါ ဖြစ်ပွားနေတာ။

ဒါပေမယ့် အရင်တုန်းက မသိကြတဲ့ အတွက် နယ်မှာဆိုရင်လည်း ကိုယ်တစ်ခြမ်း လေးလာရင် လေဖြတ်တယ်ဆိုပြီး မြန်မာဆေး ဆရာတွေ၊ အနှိပ်သည်တွေနဲ့ ပြသရင်း နောက်ဆုံးအသက်သေ သွားကြတာတွေ ရှိတယ်" ဟု ဒေါက်တာဦးဝင်းမြိုင်က ပြောသည်။ ဦးနှောက်တွင် အကျိတ်ဖြစ်ပါက ဦးနှောက် ဓာတ်မှန်ရိုက်၍ သိနိုင်ပြီး၊ ဦးနှောက် အကျိတ်တွင် အစိုင်အခဲအကျိတ်နှင့် အရည်အိတ် အကျိတ် နှစ်မျိုး ရှိကြောင်း သိရသည်။

အကျိတ်အတိုင်း ခွဲစိတ်ကုသမှသာ သက်သာနိုင် သော်လည်း ၂စင်တီမီတာ ထက်သေးငယ်သော အကျိတ်များအား ဆေးနှင့်ပင် ကုသ၍ အရည်အိတ်၊ အကျိတ်မျိုးမှာ ခေါင်းတွင် အပေါက်ဖောက်၍ ကုသရပြီး၊ အစိုင်အခဲ အကျိတ်မှာ ဦးခေါင်းဖွင့်၍ အကြီးစားခွဲစိတ်မှုများ ဆောင်ရွက်ရကြောင်း သိရသည်။ "ကင်ဆာကြောင့် ဖြစ်တာဆိုလည်း ခွဲစိတ်ပြီး နောက်ပိုင်း ဆေးနဲ့ကုသတာတွေ၊ ဓာတ်ကင်တဲ့နည်း တွေနဲ့လည်း ဆက်လက်ကုသ ရပါတယ်"ဟု အဆိုပါ ဆရာဝန်ကပြောသည်။

ယခုနောက်ပိုင်း ဦးနှောက် ရောဂါရှာဖွေသည့် စက်များကောင်းမွန်ခြင်း၊ လူအများတွင် ကျန်းမာရေးဆိုင်ရာ ဗဟုသုတများ ပြားလာခြင်း၊ ဦးနှောက်နှင့် အာရုံကြော ခွဲစိတ်ကုဌာန များတိုးချဲ့ ဖွင့်လှစ်လာခြင်း တို့ကြောင့် ဦးနှောက်အတွင်း အကျိတ်ဖြစ်သည့် လူနာများ ပိုမိုတွေ့ရှိလာရကြောင်း သိရသည်။ "ကျွန်တော့ညီမလေး ဦးနှောက်မှာ အကျိတ်ဖြစ်လို့ ဆေးရုံမှာ တက်နေရတဲ့ အချိန်မှာ ဘေးနားမှာလည်း အဲဒိလိုလူနာတွေ အများကြီး တွေ့ရတယ်"ဟု မန္တလေးမြို့နေ အသက် ၅၀ခန့် အမျိုးသား တစ်ဦးကပြောသည်။

ဦးနှောက်တွင် အကျိတ်ဖြစ်ခြင်းသည် စတင်ဖြစ်ပွားသည့် အချိန်၌ ရောဂါလက္ခဏာ မပြသည့်အတွက် ဆေးရုံရောက် သည့်အချိန်တွင် အကျိတ်ကြီး ပြီးနောက်ကျမှ ရောက်လာမှုများ လေ့ရှိကာ အကျိတ်ကြောင့် မျက်စိေ၀၀ါးလာသည့် အခါ မျက်စိမှုန်၍ မျက်စိဆရာဝန်နှင့် သွားရောက်ပြသ သည့်အခါမှ မျက်စိဆရာဝန်မှ တစ်ဆင့် ရောက်လာသူ များကြောင်းသိရသည်။ ဦးနှောက် အကျိတ်ခွဲစိတ်မှုအား ထိုင်းနိုင်ငံတွင် သွားရောက် ခွဲစိတ်ကုသပါက ကျပ်သိန်း ၂၅၀ခန့် ကုန်ကျနိုင်ပြီး ပြည်တွင်းတွင် ခွဲစိတ်ပါက ကျပ်၅သိန်း ခန့်ကုန်ကျနိုင်ကြောင်း သိရသည်။

မှတ်ညဏ် ပျောက်ဆုံးခြင်းသည် အသက်အရွယ် အိုမင်းခြင်းကြောင့် မဟုတ်

လူတို့၏ မကြာခဏ သတိလစ်ဟင်း မှုသည် ဦးနှောက် အတွင်းရှိ ပြောင်းလဲမှု အချို့ကြောင့် ပြင်းထန်သော စိတ်ကစဥ့်ကလျား ဖြစ်မှုကို ဖြစ်ပေါ် စေသောကြောင့် ဖြစ်သည်ဟု လေ့လာ ဆန်းစစ်မှု အသစ်တွင် တွေ့ရှိ ခဲ့ရကြောင်း သိရသည်။ ထိုသို့ တွေ့ရှိမှုက မှတ်ဉာဏ် ပျောက်ဆုံးခြင်း သည် အသက်အရွယ် အိုမင်းမှု၏ သာမန် ဖြစ်စဉ် အဖြစ် ယူဆ ထားခြင်းကို ချေဖျက်ခြင်း ပင် ဖြစ်သည်။ အမေရိကန် ပြည်ထောင်စုမှ သုတေသန ပညာရှင်အဖွဲ့၏ လေ့လာ ဆန်းစစ်ချက် အရ အသက်အရွယ် ကြီးရင့်လာသူ တို့တွင် ဖြစ်ပွားသော တွေးမြင်မှုနှင့် မှတ်ဉာဏ် ပြဿနာမှာ သာမန် ဖြစ်စဉ်မျိုး မဟုတ်ဘဲ ရောဂါ လက္ခဏာ တစ်ခု ဖြစ်သည်ဟု ပြောကြား ခဲ့ကြသည်။

သာမန် အဖြစ်များသော စိတ်ဖောက်ပြန်မှု ဖြစ်သည့် အယ်လ်ဇိုင်းမားသည် သေလောက်သော ဦးနှောက်ရောဂါ ဖြစ်ပြီး ထိုရောဂါ ဖြစ်ပွား သူတို့တွင် မှတ်ဉာဏ် ပျောက်ဆုံး သကဲ့သို့ ကျိုးကြောင်းသင့် ချင့်ချိန်နိုင်စွမ်း နှင့် ကိုယ့်ကိုယ်ကိုယ် ဂရုစိုက်နိုင်စွမ်း များပါ ပျောက်ဆုံးခြင်း ဖြစ်ပြီး ၎င်းတို့၏ ဦးနှောက်ကို ခွဲစိတ် စစ်ဆေးရာတွင် ဦးနှောက်အတွင်း အပြောင်းအလဲ ဖြစ်ပေါ်ခြင်းကြောင့် ဖြစ်ကြောင်း အတည် ပြုနိုင်ခဲ့သည်ဟု သိရသည်။

ရပ်ရ်ှ တက္ကသိုလ်မှ မစ္စတာ ရောဘတ်ဝီလ်ဆင် ဦးဆောင်သော သုတေသန အဖွဲ့က ဘုရားရှိခိုးကျောင်းမှ ဘုန်းကြီးနှင့် သီလရှင်များ အပါအ၀င် လူပေါင်း ၃၅၀အား ၁၃နှစ်ခန့် ကြာအောင် နှစ်စဉ်လိုပင် မှတ်ဉာဏ် စစ်ဆေး ခဲ့သကဲ့သို့ ထို အစမ်းသပ်ခံ များထဲမှ သေဆုံးခဲ့သူ ရှိပါက ဦးနှောက်ကို ခွဲစိတ် စစ်ဆေးမှု ပြုခဲ့ခြင်း ဖြစ်သည်။ ရောဂါဗေဒပညာရှင် တို့၏အဆိုအရ ဦးနှောက်ထဲတွင် အဆိပ်အတောက် ရှိသော ပရိုတင်းများ ရောယှက် ရှုပ်ထွေးနေခဲ့ခြင်း ဖြစ်ပြီး ယင်းသည် အယ်လ်ဇိုင်းမား ဝေဒနာနှင့် ဆက်နွှယ်မှု ရှိနေကြောင်း တွေ့ရှိခဲ့ရသည်။ ကျွမ်းကျင် သူတို့၏ အဆိုအရ ထိုကဲ့သို့ ဦးနှောက်ရောဂါ ဖြစ်ပွားပြီး ဆယ်နှစ်ခန့် အကြာတွင် အယ်လ်ဇိုင်းမား ရောဂါ စတင် ဖြစ်ပွားခြင်း ဖြစ်ကြောင်း ပြောကြား ခဲ့သည်။

နှိပ်နယ်မှုပြုခြင်းက ကျန်းမာရေးကို ပိုမိုကောင်းမွန်စေနိုင်

သင့်တင့် ကောင်းမွန်သော နှိပ်နယ်မှု ပြုခြင်းက အနှိပ်ခံ ရသူ၏ စိတ်ဖိစီးမှုကို သက်သာ လျော့ပါး စေ၍ စိတ်လက်ပေါ့ပါး မှုကို ခံစား ရစေ နိုင်ကြောင်း သုတေသန အသစ် တစ်ခုက ယူဆ ခဲ့ရသည်ဟု သိရသည်။ ထို့ကြောင့် သင့်တင့် ကောင်းမွန်သော နှိပ်နယ်မှု ပြုခြင်းကြောင့် ကျန်းမာရေး ကောင်းမွန် နေစေရန် အထောက်အကူ ပြုစေနိုင်သည်ဟု ဆိုသည်။ Cedars-Sinai ဆေးပညာဆိုင်ရာ ဌာနမှ သုတေသန ပညာရှင် တို့၏ အဆိုအရ နှိပ်နယ်မှုပြုခြင်း အားဖြင့် ကိုယ်ခံအား စနစ်တွင် သိသာသော ပြောင်းလဲမှု များကို ဖြစ်ပေါ်စေနိုင်မည် ဖြစ်သည်ဟု ရေးသား ဖော်ပြခဲ့ကြသည်။

သုတေသန ပညာရှင် တို့က ကျန်းမာရေးနှင့် ညီညွတ်သော အရွယ်ရောက်ပြီး သူတို့အား လေ့လာ ဆန်းစစ်မှု ပြုခဲ့ခြင်း ဖြစ်သည်။ အရွယ်ရောက်ပြီးသူ အစမ်းသပ်ခံ တို့အနက် ၂၉ဦးအား ထိရောက်သော နှိပ်နယ်မှုကို ၄၅မိနစ်ကြာ အနှိပ်အနယ် ခံစေ၍ ၂၄ဦးကိုမူ ခပ်ဖော့ဖော့ ခပ်ရွရွသာ နှိပ်နယ်မှု ပြုစေခဲ့သည်။ စတင် နှိပ်နယ်သည့် အချိန် မတိုင်မီ သွေးနမူနာကို ယူထားခဲ့ပြီး ၄၅မိနစ်ကြာ နှိပ်နယ်မှု ပြုပြီးသည့် အချိန်တွင် တစ်နာရီ ကြာခန့် အနားယူ စေခဲ့သည်။ နှိပ်နယ်မှုပြုပြီးနောက် သွေးစစ်ဆေးစမ်းသပ်မှုတွင် နှိပ်နယ်မှု မပြုမီကနှင့် မတူဘဲ အပြောင်းအလဲများ ဖြစ်ပေါ်လာသည်ကို တွေ့ရှိရပြီး ထိရောက်သော နှိပ်နယ်မှုခံယူသည့် အုပ်စုတွင် ကိုယ်ခံအား စနစ်၌ အကျိုး သက်ရောက်မှု ရှိသည်ကို ညွှန်းပြလျက် ရှိကြောင်း သုတေသန ပညာရှင် တို့က ပြောကြားခဲ့သည်ဟု သိရသည်။